15.08.2026 | 10:28
Վթարային ջրանջատում Կարճևան գյուղում
Պուտինն է ստիպել Փաշինյանին՝ Մոսկվա գնալ. իր գաղութներին մասնակից է դարձնում բարբարոսությանը, իբր՝ մենակ չէ. Գարեգին Միսկարյան․ ՏԵՍԱՆՅՈՒԹ
Քաղաքականություն
08.05.2023 | 19:47
Նիկոլ Փաշինյանն ընդունել է Պուտինի հրավերը՝ աշխատանքային այցով մեկնել Մոսկվա։ Նա ներկա կգտնվի մայիսի 9-ին անցկացվելիք Հայրենական մեծ պատերազմում հաղթանակին նվիրված միջոցառումներին: Եվ մեծ է հավանականությունը, որ կտեսնենք Նիկոլ Փաշինյանին Լուկաշենկոյի և Պուտինի հետ նույն հարթակում կանգնած՝ շքերթն ընդունելիս։ Կա հավանականություն, որ այլ բռնապետեր էլ նրանց միանան։
Ի՞նչն է ստիպել Փաշինյանին ընդունել այս հրավերը։ «Ժողովրդավարական հարթակ» հիմնադրամի տնօրեն Գարեգին Միսկարյանը Factor TV-ին տված հարցազրույցում ասում է, որ գործ ունենք ռուսական պարտադրանքի հետ։
«Պուտինն է ստիպել Փաշինյանին՝ Մոսկվա գնալ։ Ռուսաստանի նախագահն իր գաղութներին մասնակից է դարձնում բարբարոսությանը, որ ինքն անում է Ուկրաինայի դեմ, թե, իբր, մենակ չէ։ Օրերս Փաշինյանը Պրահայում հարցուպատասխանի ժամանակ ահազանգեց Հայաստանի դեմ սպառնալիքների, վտանգի մասին։ Նա ասաց, որ եթե 3 տարի պետություն պահենք, 100 տարի էլ կպահենք։ Ահռելի են ՀՀ-ի վրա ճնշումները․ եթե ՌԴ-ն փլուզվի, անկախության շանս կունենանք», – ասաց Գարեգին Միսկարյանը։
Հարցազրույցն ամբողջությամբ՝ տեսանյութում։
Ռոբերտ Անանյան
