08.10.2026 | 13:58
Եմենի հութիները հայտարարել են Էր-Ռիադի օդանավակայանին հարվածելու մասին․ երեք մարդ զոհվել է
Չեխիայի նախագահը նախազգուշացրել է Կիևին՝ հակահարձակման հարցում զերծ մնալ շտապողականությունից
Քաղաքականություն
08.05.2023 | 17:50
Չեխիայի նախագահ Պետր Պավելը հայտնել է, որ անցյալ շաբաթ Ուկրաինայի ղեկավարության հետ հանդիպումների ժամանակ խնդրել է նրանց, մասնավորապես՝ նախագահ Վլադիմիր Զելենսկիին և վարչապետ Դենիս Շմիհալին, հարձակման հարցում չշտապել ու չսկսել հակահարձակումը՝ նախքան զորքերի լիովին պատրաստ լինելը, գրում է BBC-ի ռուսական ծառայությունը։
Չարլզ III-ի թագադրման համար Լոնդոն կատարած այցի ժամանակ բրիտանական Guardian-ին տված հարցազրույցում նա նշել է, որ անցյալ տարի Խարկովի և Խերսոնի շրջաններում Ուկրաինայի զինված ուժերի հարձակմանն ուղեկցող անակնկալ արդյունքն այլևս չի լինի:
«Ոմանց համար կարող է գայթակղիչ լինել նրանց դրդել, ինչ-որ արդյունքներ ցույց տալ: Ուկրաինայի համար չափազանց վնասակար կլինի, եթե այս հակահարձակումը ձախողվի, քանի որ նրանք այլ հնարավորություն չեն ունենա՝ գոնե ոչ այս տարի»,- ասել է Պետր Պավելը։
Ուկրաինան անխուսափելիորեն կբախվի «սարսափելի կորուստների»՝ անկախ իր ուժերի չափից, և չի կարող թույլ տալ, որ հարձակումը ձախողվի, հավելել է նա։
Չեխիայի նախագահի խոսքով՝ այդ գործողությունը չափազանց բարդ է լինելու կադրերի պատրաստման, զինամթերքի մատակարարման, նյութատեխնիկական ապահովման, ֆինանսավորման, վառելիքի առումով։
Տաթև Ֆռանգյան
