14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Որ երկրների ղեկավարներն են մայիսի 9-ին լինելու Մոսկվայում
Քաղաքականություն
08.05.2023 | 15:39
Մայիսի 9-ին Մոսկվայի Կարմիր հրապարակում շքերթ կանցկացվի, որի ժամանակ նախատեսված է նաև ՌԴ նախագահ Վլադիմիր Պուտինի ելույթը։ ՌԴ պաշտպանության նախարար Սերգեյ Շոյգուն հայտնել է, որ շքերթին մասնակցելու է ավելի քան 10 հազար մարդ և 125 միավոր զենք ու ռազմական տեխնիկա։
Ավելի վաղ տեղեկացրել էինք, որ ՀՀ վարչապետ Նիկոլ Փաշինյանը ՌԴ նախագահ Վլադիմիր Պուտինի հրավերով այսօր աշխատանքային այցով կմեկնի Մոսկվա: Փաշինյանը ներկա կգտնվի մայիսի 9-ին անցկացվելիք Հայրենական մեծ պատերազմում հաղթանակին նվիրված միջոցառումներին:
Ուշագրավ է, որ նախորդ տարի մայիսի 9-ին ոչ մի օտարերկրյա ղեկավար չէր հրավիրվել Մոսկվա։ Սակայն այս տարի Վլադիմիր Պուտինը, բացի Փաշինյանից, Երկրորդ աշխարհամարտում հաղթանակին նվիրված միջոցառումներին մասնակցելու հրավեր է ուղարկել նաև Տաջիկստանի նախագահ Էմոմալի Ռահմոնին։ Այս մասին ավելի վաղ հայտնել էր Ռահմոնի աշխատակազմը։
Ավելի ուշ Տաջիկստանի նախագահի աշխատակազմի մամուլի ծառայությունը պարզաբանել էր, որ նա դեռ չի որոշել՝ արդյո՞ք կգնա Ռուսաստանի մայրաքաղաք՝ միջոցառումներին մասնակցելու, սակայն կմասնակցի Դուշանբեում կայանալիք տոնակատարությանը։
ՌԴ փոխվարչապետ Ալեքսեյ Օվերչուկն էլ մայիսի 8-9 Մոսկվա էր հրավիրել նաև Ղրղզստանի նախագահ Սադիր Ջապարովին։
ՌԻԱ Նովոստիի փոխանցմամբ՝ ռուսական կողմը հանդիսավոր միջոցառմանը հրավիրել է ԱՊՀ երկրների ղեկավարներին: Նույն աղբյուրի հաղորդմամբ՝ Ղազախստանի նախագահ Կասիմ Ժոմարտ Տոկաևը մասնակցելու է Մոսկվայում նախատեսված միջոցառմանը։
Տաթև Ֆռանգյան
