08.10.2026 | 17:43
Առուշանյանը ՔՊ կուսակցության անդամ չէ և չի պատրաստվում դառնալ․ Արմեն Խաչատրյան․ ՏԵՍԱՆՅՈՒԹ
Չավուշօղլուն հայտարարել է, թե Հայաստանը, իբր, «անկեղծ քայլեր» չի կատարում
Քաղաքականություն
08.05.2023 | 15:10
Թուրքիայի ԱԳ նախարար Մևլութ Չավուշօղլուն, որն ակտիվորեն զբաղվում է նախընտրական քարոզարշավով՝ մասնակցելով տարբեր միջոցառումների, ընտրությունների մոտենալուն զուգահեռ ավելի ագրեսիվ հռետորաբանությամբ է հանդես գալիս, հիմնականում՝ ուղղված Արևմուտքի դեմ։ Իր ելույթներում նա չի մոռանում նաև անդրադառնալ Հայաստանին։
Այսօր էլ Չավուշօղլուն մասնակցել է Անթալիայի ապրանքային բորսայի (ATB) «Քաղաքային հանդիպումներ» միջոցառմանը։ Նա նշել է, որ Թուրքիան արտաքին քաղաքական ճակատում հաջողություններ ունի և կարողանում է կարևոր դերակատարում ստանձնել՝ կրկին խոսելով նաև Հայաստանի մասին։
«Եթե Լիբիայում չլինեինք, քաղաքացիական պատերազմ կլիներ, Սուդանում քաղաքացիական պատերազմ է սկսվել։ Մեր կողքին Սիրիան է, մյուս կողմից՝ Եմենը, Աֆղանստանը։ Կովկասում Ադրբեջանը վերցրել է «իր հողերը», բայց փխրուն իրավիճակը շարունակվում է։ Ժամանակ առ ժամանակ լարվածությունը մեծանում է Հայաստանի կողմից անկեղծ քայլեր չկատարելու պատճառով»,- ասել է Չավուշօղլուն։
Նա հավելել է, որ Թուրքիան, իբր, «անկեղծ է Հայաստանի հետ հարաբերությունների կարգավորման գործընթացում»։
Էմմա Չոբանյան
