08.10.2026 | 13:58
Եմենի հութիները հայտարարել են Էր-Ռիադի օդանավակայանին հարվածելու մասին․ երեք մարդ զոհվել է
Թուրքիան հրաժարվել է Ուկրաինային փոխանցել ռուսական С-400-ները, ինչպես ԱՄՆ-ն էր առաջարկում
Քաղաքականություն
08.05.2023 | 14:51
ԱՄՆ-ը Թուրքիային առաջարկել է Ուկրաինա ուղարկել C-400 հակաօդային պաշտպանության համակարգերը, որոնք ավելի վաղ Անկարան ձեռք էր բերել Ռուսաստանից, սակայն Անկարան մերժել է այս առաջարկը։ Այս մասին հայտարարել է Թուրքիայի արտգործնախարար Մևլութ Չավուշօղլուն, գրում է Anadolu-ն։
ԱՄՆ-ը հայտարարել է, որ C-400 համակարգի առկայությունը Թուրքիային դուրս է մղում ժամանակակից արևմտյան F-35 կործանիչների մշակման և ձեռքբերման ծրագրից, ուստի Անկարային առաջարկել են համակարգի նկատմամբ վերահսկողությունը փոխանցել Ամերիկային կամ մեկ այլ երկրի, այդ թվում՝ Ուկրաինային։
«ԱՄՆ-ը մեզ խնդրում էր C-400-ն Ուկրաինա ուղարկել, իսկ մենք ասեցինք՝ ոչ»,- հայտարարել է Թուրքիայի ԱԳ նախարարը։
Չավուշօղլուի խոսքով՝ այդ առաջարկները երկրի համար անընդունելի են, քանի որ դրանք «ուղղված են Թուրքիայի ինքնիշխանության խաթարմանը»։
Թուրք նախարարը նշել է, որ ներկայում երկիրը չի ցանկանում վերադառնալ ծրագրին, այլ ցանկանում է վերադարձնել վճարված գումարը, քանի որ ինքնաթիռները չի ստացել։ Այնուամենայնիվ, Թուրքիան ցանկանում է ԱՄՆ-ից գնել F-16 կործանիչներ և պահեստամասեր։
Տաթև Ֆռանգյան
