16.01.2026 | 09:45
Հրդեհ տանը․ տուժածներ չկան
Ռուս զինվորականները փորձում են հավաքագրել աշխատանքային միգրանտներին՝ Ուկրաինայում պատերազմին մասնակցելու համար․ բրիտանական հետախուզություն
Քաղաքականություն
08.05.2023 | 16:31
Մեծ Բրիտանիայի հետախուզության նոր տեղեկագիրը նվիրված է ռուս զինվորականների փորձերին՝ հավաքագրելու Ռուսաստանում Կենտրոնական Ասիայի երկրներից աշխատանքային միգրանտներին՝ Ուկրաինայում ծառայության անցնելու համար, գրում է BBC-ի ռուսական ծառայությունը։
Նշվում է, որ միգրանտներին հավաքագրել փորձում են ինչպես զինվորականները՝ այցելելով մզկիթներ, այնպես էլ միգրացիոն ծառայության աշխատակիցները, որոնք խոսում են տանջիկերեն և ուզբեկերեն։
Ըստ բրիտանական հետախուզության՝ զինվորական հավաքագրողները միգրանտներին առաջարկում են նախ 2,390 դոլար միանվագ վճար, իսկ հետո ամսական մինչև 4,160 դոլար աշխատավարձ։ Նաև առաջարկվում է Ռուսաստանի քաղաքացիության արագացված ձեռքբերում՝ վեց ամսից մինչև մեկ տարի ժամկետում՝ սովորական հինգ տարվա փոխարեն:
Տեղեկագրի հեղինակները ենթադրում են, որ նման պայմանները շատ միգրատների կմղեն համաձայնել Ուկրաինա մեկնել։ Այս նորակոչիկներին էլ, ամենայն հավանականությամբ, կուղարկեն առաջնագիծ, որտեղ ռուսական կորուստների թիվը չափազանց մեծ է։
Բրիտանական հետախուզությունը ենթադրում է, որ միգրանտների հավաքագրումը ՌԴ ՊՆ-ի փորձերից է՝ հավաքելու 400,000 կամավորների Ուկրաինայում ռազմական գործողություններին մասնակցելու համար՝ հետաձգելով ցանկացած նոր պարտադիր մոբիլիզացիան։
Էմմա Չոբանյան
