Ի՞նչ է հասկացնում սպարապետի եղբայրը և ինչո՞ւ որոշեց խոսել այսքան ժամանակ անց

Սպարապետ Վազգեն Սարգսյանի եղբայր Արմեն Սարգսյանը, որը պաշտպանության նախկին նախարար Սեյրան Օհանյանի  խորհրդականն էր և մինչ այժմ էլ աշխատում է ՊՆ-ում որպես խորհրդական, ֆեյսբուքյան իր էջում գրառում է կատարել Արթուր Ասատրյանի (Դոն Պիպո) վերաբերյալ։

Թե ինչու է սպարապետի եղբայրն Արթուր Ասատրյանի կալանավորումից այսքան ժամանակ անց որոշել խոսել նրա նկատմամբ իր վերաբերմունքի մասին, և ինչ է թաքնված այս գրառման տակ՝ հարց է,  սակայն նրա գրառումից և դրա արձագանքից պարզ է դառնում, որ, հավանաբար, շուտով, ի պաշտպանություն Արթուր Ասատրյանի ազատ արձակման, ականատես կլինենք ինչ-ինչ ակցիաների։ 

«Արթուրը Ասատրյանն իմ ընկերն է, և ես հպարտորեն բարձրաձայնում եմ էդ փաստը, ուզում եմ ներկայացնել իմ կարծիքը Արթուրի մասին։ Անմնացորդ նվիրված է Հայաստանի Հանրապետությանը, բազմիցս ներկա եմ եղել տարաբնույթ քննարկումների, որոնց ժամանակ, ընդ որում, արտերկրում և հանրաճանաչ մարդկանց ներկայությամբ, թե ինչ ոգևորությամբ ու սիրով է արտահայտվել ի փառս հայ ժողովրդի և հայրենիքի…..հրաշալի հայր է և վստահ եմ՝ նաև ամուսին, 35 տարի է ճանաչում եմ Արթուրին ու վստահ կասեմ, երբևէ չի խառնվել և չի միջամտել քաղաքական վայրիվերումներին»։

Արմեն Սարգսյանն իր գրառման մեջ Արթուր Ասատրյան-Մանվել Գրիգորյան հակամարտության քաղաքական վայրիվերումներից զերծ մնալով հանդերձ,  մեծ քանակությամբ զենք զինամթերք իր տանը պահող, քրեական աշխարհում որոշակի դեր և նշանակություն ունեցող Արթուր Ասատրյանի մասին բառ անգամ գրելուց խուսափելով, ընդամենը նշել է․

«Հիմա էս մարդուն մեղադրանք է առաջադրված, իրեն սպանել ցանկացողներին ավելի շուտ հայտնաբերելու, քան /ԱԱԾ և ՆԳ/ -ն կհայտնաբերեին, և ոչ սիրալիր, կիլլերներին պահելու և պատվիրատուներին ճշտելու համար։ Բա ի՞նչ աներ  կիլլերներին պաչեր դներ գլխին»,- իր զարմանքն է արտահայտել Արմեն Սարգսյանը ֆեյբուքյան օգտատերերին առաջարկելով քվեարկել իր գրառման տակ․ 

«Եթե կուզեիք, որ Արթուր Ասատրյանը լիներ ազատության մեջ դրեք պլյուս կամ լայք, եթե հակառակը՝ դրեք մինուս և ցանկալի է ձեր մեկնաբանությունները»։

Հարցման արդյուքները ներկայացնում ենք ստորև․