14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
ՌԴ Կուրգանի մարզում անտառային հրդեհները սպառնում են բնակավայրերին․ մարդկանց տարհանում են
Քաղաքականություն
08.05.2023 | 14:18
ՌԴ Կուրգանի մարզում ավելի քան 1000 մարդ է ներգրավվել կրակի դեմ պայքարում, որտեղ, ըստ ԱԻՆ-ի, «ուժեղ պոռթկումներով քամու պատճառով անտառներից ու չոր խոտերից հրդեհը տեղափոխվել է մի քանի բնակավայրեր»։ Մարզի տարածքում արտակարգ դրություն է հայտարարվել, գրում է DW-ի ռուսական ծառայությունը։
ՌԴ ԱԻՆ ղեկավար Ալեքսանդր Կուրենկովը ժամանել է Կուրգանի մարզ և հայտարարել «բարդ ու ոչ հեշտ իրավիճակի մասին»։
Հրդեհաշիջման աշխատանքներին մասնակցում է 335 միավոր տեխնիկա։ Կրակը սպառնում է Կուրգան քաղաքին և Յուլդուս գյուղին։ Հրդեհի հետևանքով առնվազն 3 մարդ է զոհվել, նշել են մարզային քննչական կոմիտեից՝ չնշելով կոնկրետ բնակավայրերը։
Կուրգանի Փոքր Չաուսովո միկրոշրջանի և Ուվալ գյուղի բնակիչները տարհանվում են։ Մարդկանց տարհանում են նաև Յուլդուս և Կոդսկոյե գյուղերից։
Տաթև Ֆռանգյան
