11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Դադարեցվո՞ւմ է 60 կմ/ժ+10 սահմանափակմամբ արագաչափերի գործունեությունը. «Փաստ»
29.06.2018 | 10:30
«Փաստ» օրաթերթը գրում է.
Երեկ սոցցանցերում տեղեկություններ էին տարածվել, որ դադարեցվում են նաև 60 կմ/ժ+10 սահմանափակմամբ արագաչափերի գործունեությունը: Այս լուրն ուղղակի «ռումբի» ազդեցություն թողեց՝ առաջացնելով մեծամասնության զայրույթը՝ այն պատճառաբանությամբ, որ առանց այդ էլ վերջին շրջանում գնալով սանձարձակ են դառնում որոշ վարորդներ, իսկ նման որոշումն ընդհանրապես լուրջ վտանգներ կառաջացնի:
Դիմեցինք ոստիկանություն՝ փորձելով հասկանալ, թե որքանով է այս տեղեկությունը համապատասխանում իրականությանը: Ոստիկանության լրատվական ծառայությունից «Փաստին» տեղեկացրեցին, որ նման որոշում կայացնելու դեպքում իրենք պաշտոնապես հանդես կգան հաղորդագրությամբ: Այսինքն, նման հնարավորությունը չի՞ բացառվում, հարցրեցինք: «Արդեն ասացինք»,–պատասխանեցին լրատվականից:
Հիշեցնենք, որ ոստիկանությունը որոշ ժամանակ առաջ որոշում էր կայացրել դադարեցնել 60 կմ/ժ արագությունից ցածր սահմանափակումների (40, 50) դեպքում խախտումներն արձանագրող արագաչափերի գործունեությունը:
Առավել մանրամասն՝ թերթի այսօրվա համարում:
