11.01.2025 | 22:52
Վարչապետը առաջնահերթ է համարում խաղաղության գործընթացը, թվայնացումը և կոռուպցիայի դեմ պայքարը. ՏԵՍԱՆՅՈՒԹ
Կոնգոյում ջրհեղեղը շուրջ 400 մարդու կյանք է խլել
Քաղաքականություն
08.05.2023 | 15:00
Կոնգոյի Դեմոկրատական Հանրապետությունում ջրհեղեղների և սողանքների հետևանքով առնվազն 394 մարդ է զոհվել։ Զոհերի թիվը հայտնել է երկրի արևելքում ամենաշատ տուժած Կալեհե շրջանի վարչակազմի աշխատակից Թոմաս Բակենգան, հայտնում է DW-ի ռուսական ծառայությունը։
Շաբաթվա վերջին հորդառատ անձրևների պատճառով Հարավային Կիվուի գետերը դուրս են եկել ափերից և քշել հարյուրավոր տներ: Մայիսի 8-ը սգո օր է հայտարարվել՝ ի հիշատակ բնական աղետի զոհերի։
Հարավային Կիվուում, ինչպես նաև հարևան Ռուանդայում և Ուգանդայում մահացու ջրհեղեղները հազվադեպ չեն: Ռուանդայում վերջին ջրհեղեղի հետևանքով զոհվել է 127 մարդ: Ջրհեղեղները սովորաբար գրանցվում են անձրևային սեզոնին, որոնք տարածաշրջանում գրանցվում են տարին երկու անգամ։
Տաթև Ֆռանգյան
