06.06.2026 | 20:00
Ում ենք ընտրում չընտրելով․ քվեարկության չԳնալու ՇԵՐՏԵՐԸ. ՏԵՍԱՆՅՈՒԹ
ԵՄ-ն պատրաստվում է պատժամիջոցներ կիրառել Չինաստանի դեմ Ռուսաստանին օգնելու համար․ FT
Քաղաքականություն
08.05.2023 | 12:25
Եվրահանձնաժողովն առաջին անգամ պատժամիջոցների ցանկում ներառել է Չինաստանից 7 ընկերությունների, որոնք Ռուսաստանին սարքավորումներ են մատակարարում, որոնք կարող են օգտագործվել ռազմական նպատակներով։ Երկուշաբթի օրը՝ հայտնում է Financial Times-ը: Ըստ պարբերականի՝ ցուցակը ԵՄ անդամ երկրները կդիտարկեն առաջիկա օրերին։
Այդ ընկերություններից մի քանիսն արդեն հայտնվել են ԱՄՆ պատժամիջոցների տակ, սակայն Եվրամիությունը մինչ այժմ խուսափում էր Պեկինի հետ առճակատումից, քանի որ ՉԺՀ-ի կողմից Մոսկվային ուղղակի զենք վաճառելու ապացույցներ չկան, գրում է թերթը։
«Հաշվի առնելով այն առանցքային դերը, որն ունեն էլեկտրոնային բաղադրիչները ՌԴ ռազմարդյունաբերական համալիրի համար, նպատակահարմար է նաև պատժամիջոցների ցանկում ներառել երրորդ երկրների որոշ սուբյեկտներ, որոնք ներգրավված են առևտրային սահմանափակումների շրջանցման մեջ, ինչպես նաև ՌԴ առանձին ձեռնարկությունների, որոնք զբաղվում են Ռուսաստանի ռազմարդյունաբերական համալիրի էլեկտրոնային բաղադրիչների մշակմամբ, արտադրությամբ և մատակարարմամբ»,- գրում է FT-ն պատժամիջոցների վերաբերյալ Բրյուսելի առաջարկի մասին։
