13.01.2025 | 13:02
Զբոսաշրջությունը մոտ 7 %-ով նվազել է. նախարարը թվեր ներկայացրեց․ ՏԵՍԱՆՅՈՒԹ
14 տարի Ենգիբարյանի արձանը թողել եմ շենքի պահակի մոտ. ապաքաղաքական զրույց Լևոն Թոքմաջյանի հետ. ՏԵՍԱՆՅՈՒԹ
Հաղորդաշարեր
07.05.2023 | 21:02
Factor TV-ի A-politic հաղորդաշարի հյուրն է քանդակագործ, Հայաստանի ժողովրդական նկարիչ Լևոն Թոքմաջյանը: Նրա կարծիքով՝ որևէ մարդու կերպարը կերտելիս պետք է խորանալ նրա ներաշխարհի մեջ, հասկանալ նրա ինտելեկտի խորությունը: Որպես օրինակ՝ քանդակագործը բերում է լիբանանցի գրող և փիլիսոփա Ջեբրան Հալիլ Ջեբրանի կիսանդրու վրա աշխատանքը, որը զուգորդվել է այդ հեղինակի ստեղծագործության ուսումնասիրությամբ:
Լևոն Թոքմաջյանը հիշում է, որ Ֆլորա Մարտիրոսյանի ընտանիքը սկզբնական շրջանում դժգոհ էր իր աշխատանքից, բայց քանդակագործը պատկերել էր երգչուհու այն կերպարը, որի հոգին էր ցանկանում տեսնել:
Թոքմաջյանը, որն ավարտել է նաև Երևանի պետական կոնսերվատորիան, խոսում է այն նշանակության մասին, որն իր կյանքում ունեցել է երաժշտությունը: Այդ արվեստն օգնում է վարպետին ստեղծագործության մեջ հասնել ներդաշնակության:
Ո՞ր արձանը Հանրապետության հրապարակում պետք է զբաղեցնի Լենինի արձանի տեղը: Լևոն Թոքմաջյանը կարծում է, որ դա չպիտի լինի որևէ կոնկրետ պատմական անձ, քանի որ պատմության ընթացքում այդ անձերի հանդեպ վերաբերմունքը փոխվում է: Դա կարող է լինել մի ընդհանրական կերպար, որի նախագիծը քանդակագործն առաջարկել է ժամանակին այդ առիթով կազմակերպված մրցույթին:
Հաղորդման հյուրը ցավով հիշում է, որ նախագահական նստավայրի մոտ կանգնեցված Նոյ նահապետի և Տիգրան Մեծի՝ իր կերտած արձանները տեղափոխել են նույն շենքի բակը և առայսօր հայտնի չեն դրա պատճառները:
Մանրամասները տեսանյութում:
Արամ Աբրահամյան
