07.10.2026 | 23:48
Արթուր Դանիելյանը կալանավորվեց
Պատուհանից նայում եմ` «պազ» ավտոբուսներ են, զանգում, ասում եմ, պարզեք՝ ինչ ավտոբուսներ են․ ՏԵՍԱՆՅՈՒԹ
Քաղաքականություն
05.05.2023 | 19:38
Մշակույթը, միանշանակ, պետք է զարգացնել։ Այս մասին նշեց ՀՀ վարչապետ Նիկոլ Փաշինյանը՝ Չեխիայում հայ համայքնի հետ հանդիպման ժամանակ։
«Մենք ինչպես ենք պատկերացնում մշակույթի զարգացումը։
Մենք այսօր ամեն ինչ անում ենք, որպեսզի երեխաները գնան թատրոն, թանգարան։ Առաջիկայում մինչև 12 տարեկան երեխաների համար թանգարանների տոմսերը դարձնելու ենք անվճար։ Մինչև հիմա թեև մեր թանգարանների այցելության տոմսերի գները 60-100 դրամ են, շատերը չեն գնում թանգարան․․․ Վերջերս Մեծամորի թանգարան էի գնացել, տնօրենն ասաց, որ այդ օրն աշխույժ օր է եղել, շատ մարդ է գնացել, բայց այդ օրն ընդամենը 24 մարդ էր գնացել, մինչդեռ դա հզորագույն թանգարան է։
Հիմա ծրագրերը վերափոխում ենք, որ երեխաները գնան թանգարաններ․․․
Մի անգամ Կառավարության իմ պատուհանից նայեցի, տեսա դեղին «Պազ» ավտոբուսներ են կանգնած․․․ Զանգեցի, ասացի՝ պարզե՛ք ինչ ավտոբուսներ են, ասում են՝ երեխաներին բերել են էքսկուրսիա։ Լավ 21-րդ դարում ա՞յդ ավտոբուսներով ենք էքսկուրսիա բերում, դրանք անվտանգության ոչ մի նորմի չեն համապատասխանում, մի փորձանքի կգան, ու բոլորը կասեն՝ բա ո՞ւր էր նայում կառավարությունը․․․ Առաջիկայում բյուջետային գումարներ կհատկացնենք դպրոցներին՝ նորմալ, ժամանակակից տրանսպորտի խնդիր լուծելու համար․․․»,- նշեց Փաշինյանը։
Մանրամասները՝ տեսանյութում։
