26.06.2026 | 22:15
Forbes. Երեմյան ընկերությունների խմբի 20 տարին, 27 բիզնես ուղղությունն ու մեկ տեսլականը
Կան ուժեր, որոնք ուզում են մեզ վերացնել որպես պետություն. Նիկոլ Փաշինյան․ ՏԵՍԱՆՅՈՒԹ
Քաղաքականություն
05.05.2023 | 19:09
Խոսում ենք խաղաղության մասին, որովհետև մեր պատմական ու ներկայիս փորձը ցույց է տալիս, որ անվտանգության միակ երաշխիքը խաղաղությունն է։ Այսօր Չեխիայի հայ համայնքի ներկայացուցիչների հետ հանդիպման ժամանակ այս մասին հայտարարել է վարչապետ Նիկոլ Փաշինյանը:
Պատասխանելով նոր պատերազմին պատրաստ լինելու վերաբերյալ հարցերին՝ Փաշինյանը շեշտել է, որ ցանկացած երկիր, որը բանակ ունի, պատրաստվում է պատերազմի․ պետությունը միշտ պետք է պատրաստ լինի պատերազմի, բայց փորձը ցույց է տալիս, որ դա միշտ չէ, որ հնարավոր է։
Նիկոլ Փաշինյանը նաև ընգծել է, որ կան ուժեր, որոնք առնվազն ցանկանում են ոչնչացնել Հայաստանը որպես պետություն, և մեր երկիրն առաջնային պետք է կարողանա կառավարել այդ ցանկությունները:
«Պետք է կառավարենք պատերազմի հնարավորությունը։ Մեր պատմական փորձը պետք է ցույց տա, որ անվտանգության մի երաշխիք կա, այդ պատճառով մենք խոսում ենք խաղաղության մասին․․․ Աշխարհի երկրների 70 տոկոսը, որոնք չեն կարող ինքնուրույն ապահովել իրենց անվտանգությունը, խաղաղության շնորհիվ են դա անում»,- նշեց Փաշինյանը։
Վարչապետը հավելեց, որ այսօր ՀՀ կառավարությունը կարողանում է ֆինանսավորել բանակի կարիքները, բայց դա չի նշանակում, որ դրանք լիարժեք բավարարվում են։
Մանրամասները՝ տեսանյութում։
