01.11.2024 | 10:17
NYMEX. թանկարժեք մետաղների գները նվազել են
Արհեստական ինտելեկտը մինչև 2027թ․ կարող է 14 միլիոն մարդու զրկել աշխատանքից
Քաղաքականություն
06.05.2023 | 19:30
Գաղտնիք չէ, որ արհեստական ինտելեկտը կարող է փոխարինել մարդու աշխատանքին և նույնիսկ ամբողջ մասնագիտություններին։ Հոլիվուդում գործադուլ անող սցենարիստները, որոնք արդեն պայքարում են հոսքային հեռարձակման հետևանքների դեմ, վախենում են, որ իրենց կփոխարինեն ռոբոտները: Նրանց պահանջների թվում է սահմանափակել արհեստական ինտելեկտի օգտագործումը, փոխանցում է Euronews-ը։
Բանն այն է, որ ընդամենը մի քանի սեղմումով «չաթ-բոտը» կարող է պատրաստի սցենար գրել։ Հեռուստատեսային սցենարիստները չեն ցանկանում, որպեսզի իրենց աշխատանքն արժեզրկվի։
Սպառնալիքը, սակայն, կախվել է ոչ միայն սցենարիստների գլխին։ Համաշխարհային տնտեսական ֆորումի տվյալներով՝ մինչև 2027 թվականն աշխարհում կարող է անհետանալ 14 հազար աշխատատեղ, հիմնականում՝ արհեստական ինտելեկտի պատճառով։
Դրա գյուտարարներից մեկը կարծում է, որ տեխնոլոգիան կարող է առաջընթացի բերել արտադրողականության կամ բժշկության ոլորտում, սակայն զգուշացնում է, որ արհեստական ինտելեկտը կարող է գերազանցել մարդկային հնարավորությունները:
«Եթե նայեք այս մեծ լեզվական մոդելներին, ապա դրանք ունեն մոտ մեկ տրիլիոն կապ, իսկ GPT-4-ի նման ծրագրերը շատ ավելին գիտեն, քան մենք: Նրանք իրենց տեսակի մեջ ընդհանուր գիտելիքներ ունեն ամեն ինչի մասին։ Այդ պատճառով էլ նրանք, հավանաբար, հազար անգամ ավելին գիտեն, քան մարդը: Եթե անգամ նրանք չեն կարող ուղղակիորեն սեղմել կոճակը, անշուշտ, կարող են մեզ ստիպել դա անել: Ստացվում է, որ մարդկանց հնարավոր է մանիպուլյացնել, հնարավոր է Վաշինգտոնում շենք գրավել առանց անձնական ներկայության»,- ասել է արհեստական ինտելեկտի իետազոտությունների ոլորտում պիոներ, գիտնական Ջեֆրի Հինթոնը։
Հինգշաբթի ԱՄՆ նախագահ Ջո Բայդենը հանդիպել է արհեստական ինտելեկտի խոշորագույն ընկերությունների ղեկավարների հետ՝ հասկանալու, թե որքան մեծ են խաղադրույքները, և հորդորել է նրանց զարգացնել այս տեխնոլոգիաները բարոյական և էթիկական նորմերով։
Տաթև Ֆռանգյան
