08.10.2026 | 13:00
Բենզինի պահեստում պայթյունի ժամանակ զոհվածներից 70-ը եղել են ԱԱԾ, ՆԳՆ աշխատակիցներ և ՊՆ ծառայողներ․ ՏԵՍԱՆՅՈՒԹ
Պուտինը, հնարավոր է, չափավորել է իր կարճաժամկետ հավակնություններն Ուկրաինայի հարցում․ ԱՄՆ հետախուզություն
Քաղաքականություն
05.05.2023 | 16:45
Ըստ ԱՄՆ հետախուզության պաշտոնյաների վերջին գնահատականների՝ երբեմնի ինքնավստահ Վլադիմիր Պուտինը հնարավոր է՝ հրաժարվել է Ուկրաինան արագորեն նվաճելու իր ծրագրերից, գրում է VOA-ն։ Քանի որ պատերազմն արդեն երկրորդ տարին է ընթանում, ԱՄՆ հետախուզությունը կարծում է, որ Ռուսաստանի առաջնորդը որոշ չափով ընդունել է իրողությունները:
«Մեր գնահատմամբ՝ Պուտինը, ամենայն հավանականությամբ, չափավորել է իր մոտակա հավակնությունները՝ մինչ Ուկրաինայի արևելքում և հարավում օկուպացված տարածքների վրա վերահսկողությունը ամրապնդելն ու անհրաժեշտ միջոցներ ձեռնարկելը, որպեսզի Ուկրաինան երբեք չդառնա ՆԱՏՕ-ի անդամ», – ասել է Ազգային հետախուզության տնօրեն Ավրիլ Հեյնսը Սենատի զինված ուժերի հանձնաժողովում։
«Ապրիլին ռուսական ուժերը ավելի քիչ տարածքներ են նվաճել, քան նախորդ երեք ամիսներից որևէ մեկում, և, ըստ երևույթին, նրանք հարձակողական գործողություններից անցել են պաշտպանական գործողությունների առաջնագծի երկայնքով», – ասել է Հեյնսը:
«Ռուսական ուժերը զինամթերքի և անձնակազմի նկատելի պակաս են զգում», – հավելել է նա: «Եթե Ռուսաստանը չսկսի համընդհանուր մոբիլիզացիա և երրորդ երկրներից զինամթերքի զգալի մատակարարումներ չստանա, բացի Իրանից և այլ երկրներից արդեն հասանելի մատակարարումները, նրա համար ավելի ու ավելի դժվար կլինի ապահովել նույնիսկ համեստ հարձակողական գործողություններ»,- արձանագրել է նա:
