24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ԱՄՆ-ն անհանգստացած է Վրաստանի կառավարության որոշ քայլերով
Քաղաքականություն
05.05.2023 | 14:32
ԱՄՆ-ն անհանգստացած է Վրաստանի կառավարության որոշ քայլերով։ Այս մասին ասել է ԵԱՀԿ-ում Միացյալ Նահանգների դեսպան Մայքլ Քարփենթերը տեսակոնֆերանսի ժամանակ, հայտնում է Գրուզիա օնլայնը։ Խնդրահարույց հարցերի թվում նա անվանել է օտարերկրյա գործակալների մասին ռուսական օրենքի անալոգը ընդունելու փորձը։
«Միացյալ Նահանգները երկար ժամանակ աջակցել է Վրաստանի եվրաատլանտյան ինտեգրմանը, և մենք շարունակում ենք դա անել: Սա այն է, ինչ ցանկանում է վրացիների ճնշող մեծամասնությունը։ Սա հաճախ հաստատվում է սոցիոլոգիական հարցումներով։ Բայց, անկեղծ ասած, մեզ անհանգստացնում են վերջին շրջանում արված որոշ քայլեր, օրինակ՝ օրինագիծը, որը քաղաքացիական հասարակության ներկայացուցիչներին օտարերկրյա ազդեցության գործակալի կարգավիճակ է տալիս, որը հետ է կանչվել»,-հայտարարել է ամերիկացի պաշտոնյան։
Նրա խոսքով այլ անհանգստություն հարուցող հարցեր ևս կան։
«Մտահոգիչ այլ հարցեր կան, որոնք վերաբերում են դատական իշխանության և լրատվամիջոցների անկախությանը։ Մենք հավատարիմ ենք մնում մեր վրաց գործընկերների հետ աշխատելուն՝ ամրապնդելու նրանց ժողովրդավարությունը և առաջ տանելու նրանց եվրաատլանտյան ուղին, որը վրաց ժողովրդի ընտրած ուղին է»,- ասել է Քարփենթերը:
