24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Լավրովը սպառնացել է , որ «ՌԴ-ն կոնկրետ գործողություններով կպատասխանի Կրեմլի վրա ԱԹՍ-ների գրոհին»
Քաղաքականություն
05.05.2023 | 14:00
«Կրեմլի վրա անօդաչու թռչող սարքի հարձակումը թշնամական գործողություն է, Ռուսաստանը կպատասխանի կոնկրետ գործողություններով»,- հայտարարել է ՌԴ ԱԳ նախարար Սերգեյ Լավրովը, գրում է Ինտերֆաքսը։
«Սա, ակնհայտորեն, թշնամական գործողություն էր: Միանգամայն պարզ է, որ առանց «տերերի իմացության» Կիևի ահաբեկիչները չէին կարող դա կատարել: Եվ մենք չենք արձագանքի` խոսելով casus belli (պատերազմական միջադեպ) է դա, թե ոչ, այլ կպատասխանենք կոնկրետ գործողություններով», – ասել է նա լրագրողներին։
Լավրովը նաև նշել է, որ Հնդկաստանում ՇՀԿ նախարարների հանդիպման ժամանակ իր բոլոր զրուցակիցները «իրենց դատապարտումն են հայտնել»։
Հիշեցնենք, որ Ուկրաինայի իշխանությունները պաշտոնապես հերքել են մեղադրանքները, թե առնչություն ունեն Կրեմլի վրա ԱԹՍ-ներով հարձակմանը։ ԱՄՆ պետքարտուղար Էնթոնի Բլինքենն էլ հայտարարել էր, որ հակված է թերահավատորեն վերաբերվել Կրեմլի հայտարարություններին, և որ պետք է տեսնել փաստերը։ Պատերազմի ուսումնասիրման ամերիկյան ինստիտուտն էլ պնդում է, որ անօդաչուների հարձակումը բեմականացվել է հենց Կրեմլի կողմից։
