15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
«Վագներ»-ի ղեկավար Պրիգոժինը գոռալով ու հայհոյելով դիմել է Շոյգուին
Քաղաքականություն
05.05.2023 | 12:42
Ռուսական «Վագներ» ռազմականացված խմբավորման ղեկավար Եվգենի Պրիգոժինը տեսանյութ է հրապարակել, որտեղ տասնյակ դիերի ֆոնին բողոքում է սպառազինության պակասից ու գոռալով ու հայհոյանքներով դիմում է ՌԴ Պաշտպանության նախարար Սերգեյ Շոյգուին և Գլխավոր շտաբի պետ Վալերի Գերասիմովին՝ զենք պահանջելով։ Տեսանյութը հրապարակվել է Պրիգոժինի տելեգրամ ալիքում։
«Ահա «Վագների» այս տղաները, որոնք զոհվել են այսօր։ Արյունը դեռ թարմ է։ Նկարի՛ր բոլորին։ Նրանք (,,,), ովքեր մեզ սպառազինություն չեն տալիս, (,,,) դժոխքում նրանց փորոտիքն են խժռելու։ Մենք 70%-ով սպառազինության պակաս ունենք։ Շոյգո՛ւ, Գերասիմո՛վ, ուր է (,,,) սպառազինությունը։ (,,,)Կարծում եք, որ դո՞ւք եք այս կյանքի տերերն ու իրավունք ունեք տնօրինել նրանց կյանքը։(,,,) Նրանք այստեղ են եկել կամավոր ու մեռնում են այն բանի համար, որ դուք ճարպակալեք ձեր կարմիր փայտից կաբինետներում»,- տեսանյութում գոռում է Պրիգոժինը։
Հավելենք, որ ապրիլի 29-ին Պրիգոժինը սպառնացել է ՌԴ պաշտպանության նախարար Սերգեյ Շոյգուին, որ իր մարտիկները կլքեն Բախմուտի իրենց դիրքերը, եթե զինամթերք չստանան։ Պրիգոժինի խոսքով՝ այժմ իրենք իրենց առկա կարիքներից ստանում են հիմնական հրետանային զինամթերքի 20-25%-ից ոչ ավելին։
