15.08.2026 | 11:44
Քաղաքական խորհրդակցություններ՝ Հայաստանի և Ռուանդայի ԱԳՆ-ների միջև
Չինաստանը կշարունակի ձգտել հասնելու բանակցությունների՝ պատերազմը կանգնեցնելու համար․ Պեկին
Քաղաքականություն
05.05.2023 | 12:21
Չինաստանի արտաքին գործերի նախարար Ցին Գանգը հայտարարել է, որ իր երկիրը կշարունակի ձգտել խաղաղ բանակցությունների՝ ուկրաինական ճգնաժամի կարգավորման համար, գրում է BBC-ի ռուսական ծառայությունը։ Այս մասին Գանգը հայտարարել է Շանհայի համագործակցության կազմակերպության նախարարական հանդիպման շրջանակում ՌԴ ԱԳ նախարար Սերգեյ Լավրովի հետ հանդիպումից հետո։
Չինաստանը «պատրաստ է շարունակել շփումները Ռուսաստանի հետ՝ ճգնաժամի քաղաքական կարգավորման գործում շոշափելի ներդրում ունենալու համար», -Reuters-ը մեջբերում է Չինաստանի ԱԳՆ հաղորդագրությունը։
Ինչպես նախօրեին գրել էր Washington Post-ը, ամերիկացի դիվանագետները եկել են այն եզրակացության, որ Ռուսաստանը գոհ չէ Չինաստանի ցանկությունից՝ օգնելու կանգնեցնել պատերազմը, սակայն աճող կախվածության պայմաններում Մոսկվային հեշտ չէ դիմակայել Պեկինի ցանկություններին:
Վաշինգտոնը դրական է գնահատում այս իրավիճակը և կարծում է, որ Չինաստանը կարող է համոզել Ռուսաստանին համաձայնվել կայուն և արդար խաղաղության՝ Ուկրաինայի կողմից հաջող հարձակման դեպքում։
