27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Բաքուն և Երևանը շոշափելի առաջընթաց են գրանցել կայուն խաղաղության հասնելու գործում. Բլինքեն․ ՏԵՍԱՆՅՈՒԹ
Տեսանյութեր
04.05.2023 | 23:00
Ադրբեջանն ու Հայաստանը կայուն խաղաղության համաձայնագրի հասնելու հարցում շոշափելի առաջընթաց են գրանցել ԱՄՆ-ի բանակցություններում: Այս մասին հայտարարել է պետքարտուղար Էնթոնի Բլինքենը՝ ելույթ ունենալով Առլինգտոնում երկկողմ խաղաղ բանակցությունների շրջանակներում եզրափակիչ նիստում։
«Վերջին մի քանի օրերի ընթացքում երկու կողմերը քննարկել են մի շարք շատ բարդ հարցեր և զգալի առաջընթաց են գրանցել կայուն խաղաղության համաձայնագրի հասնելու հարցում», – նշել է ամերիկյան դիվանագիտության ղեկավարը:
«Ես կարծում եմ, որ բանակցությունների տեմպերը և այն հիմքը, որ դրել են մեր գործընկերները, ցույց են տալիս, որ մենք իսկապես գտնվում ենք [խաղաղ] համաձայնագրի հասնելու սահմաններում։ Ցանկացած մարաթոնի վերջնական հատվածը միշտ ամենադժվարն է: Մենք դա գիտենք», – հավելել է Բլինքենը։
Հիշեցնենք՝ մայիսի 1-ին կայացել է ՀՀ ԱԳ նախարար Արարատ Միրզոյանի և ԱՄՆ պետքարտուղար Էնթոնի Բլինքենի հանդիպումը:
Քննարկվել են տարածաշրջանում կայունությանն ու անվտանգությանն առնչվող հարցեր, Հայաստանի և Ադրբեջանի միջև հարաբերությունների կարգավորման գործընթացը:
Անդրադարձ է կատարվել Ադրբեջանի կողմից Լաչինի միջանցքի ապօրինի արգելափակման հետևանքով ստեղծված հումանիտար իրավիճակին:
Տեղի է ունեցել նաև Ադրբեջանի ԱԳ նախարար Ջեյհուն Բայրամովի և ԱՄՆ պետքարտուղար Էնթոնի Բլինքենի հանդիպումը, այնուհետև տեղի է ունեցել եռակողմ հանդիպում։
Քննարկվել են տարածաշրջանում ստեղծված անվտանգային իրավիճակի, Հայաստանի և Ադրբեջանի միջև հարաբերությունների կարգավորման գործընթացի հարցեր: Անդրադարձ է կատարվել Ադրբեջանի կողմից Լաչինի միջանցքի ապօրինի արգելափակման հետևանքով ստեղծված հումանիտար իրավիճակին:
