24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Պուտինը պետք է դատարանի առաջ կանգնի․ Զելենսկի
Քաղաքականություն
04.05.2023 | 18:40
Ռազմական հանցագործությունների բոլոր մեղավորներին պատասխանատվության ենթարկելու հարցը Ուկրաինայի համար սկզբունքային է․ Նիդերլանդներ կատարած այցի ժամանակ հայտարարել է Ուկրաինայի նախագահ Վլադիմիր Զելենսկին, գրում է DW-ի ռուսական ծառայությունը։
«Մեզ համար արդյունքը կոնկրետ պատիժներն են բոլոր ռուս պատերազմական հանցագործների համար, այդ թվում՝ ագրեսոր երկրի բարձրագույն ղեկավարության համար», – ընդգծել է Զելենսկին։ Նա բարձր է գնահատել Միջազգային քրեական դատարանի աշխատանքն այդ ուղղությամբ։ Նիդերլանդների խորհրդարանում ելույթ ունենալիս Զելենսկին շնորհակալություն է հայտնել Ուկրաինային աջակցելու և «Եվրոպայի միասնության» համար։
«Հաագան, որտեղ գտնվում է Միջազգային քրեական դատարանը, «միջազգային արդարադատության սիրտն է», – ասել է նա՝ հավելելով, որ ՌԴ նախագահ Վլադիմիր Պուտինն արժանի է Միջազգային քրեական դատարանի վճռին։
«Մենք բոլորս ցանկանում ենք այստեղ տեսնել այլ Վլադիմիրի՝ Հաագայում։ Նրան, որը արժանի է հանցավոր արարքների համար դատապարտվելու։ Դա պետք է արվի այստեղ՝ միջազգային իրավունքի մայրաքաղաքում։ Համոզված եմ, որ մենք կտեսնենք, թե ինչպես դա տեղի կունենա, երբ մենք հաղթենք»,-նշել է նա՝ հավելելով․
«Եթե նայեք պատմության ցանկացած ագրեսիվ պատերազմի, ապա նրանք բոլորն ունեն մեկ ընդհանուր բան: Պատերազմի հեղինակները չէին հավատում, որ պետք է պատասխան տան իրենց արածի համար»։ Զելենսկին միաժամանակ կոչ է արել Ուկրաինային ավելի ժամանակակից զենքեր մատակարարել։
Էմմա Չոբանյան
