06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
Մոսկվան հայտարարել է, թե իրեն իրավունք է վերապահում պատասխան քայլեր ձեռնարկել Կրեմլի վրա «ԱԹՍ-ների հարձակման առնչությամբ»
Քաղաքականություն
04.05.2023 | 16:25
ՌԴ ԱԳՆ-ն մեկնաբանել է «Կրեմլի վրա անօդաչու թռչող սարքերի հարձակումները», գրում է BBC-ի ռուսական ծառայությունը։
«Մենք հաստատում ենք, որ ռուսական կողմն իրեն իրավունք է վերապահում պատասխան միջոցներ ձեռնարկել ահաբեկչական գործողությունների աղաղակող փորձերի դեմ: Ռուսաստանը կպատասխանի այն սպառնալիքի գնահատականին համապատասխան, որը Կիևը ստեղծել է մեր երկրի ղեկավարության համար», – ասվում է ՌԴ ԱԳՆ հայտարարությունում։
Մոսկվան պնդում է, թե հարձակման համար օգտագործվել է անօդաչու երկու թռչող սարք, որոնք, ի վերջո, շարքից հանվել են ռուսական զինվորականների ու հատուկ ծառայությունների ջանքերով։ Չնայած Պուտինն այդ պահին Կրեմլում չի եղել, սակայն ռուսական իշխանությունները տեղի ունեցածն անվանել են «պլանավորված ահաբեկչություն» և «նախագահի դեմ մահափորձ»:
Հիշեցնենք, որ Ուկրաինայի իշխանությունները պաշտոնապես հերքել են մեղադրանքները, թե առնչություն ունեն նախօրեին Կրեմլի վրա ԱԹՍ-ներով հարձակմանը։ ԱՄՆ պետքարտուղար Էնթոնի Բլինքենն էլ հայտարարել էր, որ հակված է թերահավատորեն վերաբերվել Կրեմլի հայտարարություններին, և որ պետք է տեսնել փաստերը։ Պատերազմի ուսումնասիրման ամերիկյան ինստիտուտն էլ պնդում է, որ անօդաչուների հարձակումը բեմականացվել է հենց Կրեմլի կողմից։
