24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Ադրբեջանը ստիպվա՛ծ է ԱՄՆ-ին ենթարկվել՝ ԼՂ հայերի իրավունքները, անվտանգությունը քննարկել․ սա ՀՀ-ին շահավետ է․ Հովսեփ Խուրշուդյան․ ՏԵՍԱՆՅՈՒԹ
Քաղաքականություն
04.05.2023 | 15:02
«Ազատ քաղաքացի» ՀԿ ղեկավար Հովսեփ Խուրշուդյանը Factor TV-ին տված հարցազրույցում անդրադառնալով ԱՄՆ-ում ընթացող Հաաստան-Ադրբեջան բանակցություններին՝ պնդում է, որ Վաշինգտոնը փաստացի ԼՂ-ի հայերի իրավունքների և անվտանգության առավելագույն պաշտպանվածության հարցն է առաջ քաշել Բաքվի ու Երևանի առաջ և ակնկալում է պատասխան։
«Ադրբեջանը դժկամորեն է մոտենում դրան, բայց ՀՀ շահերին համապատասխան է ԱՄՆ-ի առաջարկը։ ՌԴ-ն այսօր գործում է Ադրբեջանի հետ՝ ընդդեմ ՀՀ-ի և ԼՂ-ի, որոնց շահերը տրորում են։ Բայց ԱՄՆ-ն է այն ուժը, որի հետ հույս կապել կարող ենք այս պահին, որը կարող է Ադրբեջանի վրա ազդեցություն գործադրել։ Ադրբեջանը ստիպված է ենթարկվել ԱՄՆ-ի առաջարկներին՝ գնալ Վաշինգտոն և քննարկել ԼՂ հայերի անվտանգության և իրավունքների հարցը։ Կարծում եմ՝ ԱՄՆ-ում կարող է ստորագրվել որևէ բան, որով կամրագրվի Արցախ-Ադրբեջան բանակցային միջազգայնորեն թափանցիկ ձևաչափը, որը ՀՀ-ի պնդումն էր։
Ադրբեջանը ցեղասպանություն կանի, եթե չլուծվի ԼՂ-ի ժողովրդի իրավունքների և անվտանգության հարցերը ՀՀ-Ադրբեջան խաղաղության պայմանագրի շրջանակում։ Ալիևի ասածն է՝ ԼՂ-ի հայերը թող դուրս գան, եթե Ադրբեջանին չեն ենթարկվում։ ԱՄՆ-ը դա չի ընդունում։ Եվ կարծում եմ, որ Բաքվի համար հետևանքներ կլինեն, կկորցնի ամեն ինչ, եթե ԱՄՆ-ի առաջարկը չընդունի։ Բլինքենն ասում է՝ լուծե՛ք ԼՂ-ի հայերի հարցը, որ ոչինչ չսպառնա ԼՂ-ի հայերին։
Ադրբեջանի հետ կնքելով պայմանագիր՝ ՀՀ-ն հզորանալու ժամանակ կշահի, բալանս կվերականգնի։ Եվ ՀՀ-ն կսկսի Արևմուտքին ինտեգրվել, ՌԴ-ն այստեղից դուրս կմղվի, ինչը կբխի ՀՀ շահերից։ Մենք տեսնում ենք, որ Ադրբեջանը հարձակվում է ռուսների աչքի առաջ ԼՂ-ի վրա, և անպատիժ է մնում։ Մենք Ադրբեջանի հեքիաթներին չենք հավատում, որ այլևս չի հարձակվի։ Միջազգային ուժեր կմտնեն ԼՂ, ռուսների հարցը կփակվի, ՀՀ-ի և ԼՂ-ի անվտանգության հարցը կփակվի։ ԱՄՆ-ն ուժեղանում է, ԼՂ-ում իր երաշխավորած խաղաղապահները էթնիկ զտում թույլ չեն տալու, ցեղասպանություն չեն թողնելու։ Ռուսների գնալուն պես միջազգային ուժեր կպարտադրվեն Ալիևին։ Նա գիտի դա, և շտապ փակեց միջանցքը, անցակետ դրեց ռուսների հետ միասին»,- ասաց Հովսեփ Խուրշուդյանը։
Հարցազրույցն ամբողջությամբ՝ տեսանյութում։
Ռոբերտ Անանյան
