25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Հիքմեթ Հաջիևը շարունակում է հանդիպումները Բրյուսելում
Քաղաքականություն
04.05.2023 | 18:09
Ադրբեջանի նախագահ Իլհամ Ալիևի օգնական, նախագահականի արտաքին քաղաքական հարցերով բաժնի ղեկավար Հիքմեթ Հաջիևը մի քանի օր է՝ Բրյուսելում է։ Նա քննարկումներ է ունեցել ԵՄ- Ադրբեջան համագործակցության ընդլայնման շուրջ։ ԵՄ-ում Ադրբեջանի ներկայացուցչությունը հաղորդում է, որ քննարկումները անցկացվել են ԵՄ-Ադրբեջան անվտանգության չորրորդ երկխոսության շրջանակներում՝ Հիքմեթ Հաջիևի և ԵՄ արտաքին հարաբերությունների ծառայության գլխավոր քարտուղարի քաղաքական հարցերով տեղակալ Էնրիկե Մորայի մասնակցությամբ։ «Կողմերը քննարկել են ընդհանուր շահերը և համագործակցության ընդլայնումը, համատեղ գործունեությունը տարածաշրջանի կայունության համար»,-ասվում է հաղորդագրության մեջ։
Հավելենք, որ ավելի վաղ էլ Հաջիևը Բրյուսելում հանդիպել էր ՆԱՏՕ-ի գլխավոր քարտուղարի օգնական, գեներալ Դեյվիդ Քաթլերի հետ։ Մայիսի 2-ին էլ Բրյուսելում էներգետիկ երկխոսության շրջանակներում կայացել էր Ադրբեջանի էներգետիկայի նախարար Փարվիզ Շահբազովի և ԵՄ էներգետիկայի հարցերով հանձնակատար Կադրի Սիմսոնի մասնակցությամբ քննարկում։
Էմմա Չոբանյան
