Սուդանում հակամարտությունը շարունակվում է՝ չնայած խաղաղության կոչերին

Չնայած 7-օրյա զինադադարի մասին հայտարարություններին՝ Սուդանի մայրաքաղաքում մարտերը շարունակվում են։ ՄԱԿ-ն ահազանգում է մոտալուտ հումանիտար աղետի մասին՝ երկրից հարյուր հազարավոր խաղաղ բնակիչների փախուստի ֆոնին, հայտնում է Euronews-ը։

Սուդանի մայրաքաղաքում մարտերը շարունակվում են նույնիսկ ենթադրվող յոթօրյա զինադադարի ֆոնին։ ՄԱԿ-ը պնդում է, որ մարտերը պետք է դադարեցվեն, որպեսզի մարդասիրական օգնությունը հասնի հակամարտության մեջ հայտնված խաղաղ քաղաքացիներին:

Ելույթ ունենալով Նայրոբիում՝ ՄԱԿ-ի գլխավոր քարտուղար Անտոնիո Գուտերեշը կրկնել է, որ «բոլոր կողմերը պետք է առաջնահերթ հաշվի առնեն Սուդանի ժողովրդի շահերը, ինչը նշանակում է խաղաղություն, վերադարձ քաղաքացիական կառավարման և պայմանների ստեղծում երկրի զարգացման համար»։

«Խարթումը խառնաշփոթի մեջ է, Դարֆուրը կրկին այրվում է, ՄԱԿ-ի Փախստականների գործակալությունն արդեն հաստատել է, որ ավելի քան 100,000 մարդ փախել է, ևս 800,000 մարդ կարող է լքել երկիրն առաջիկա օրերին և շաբաթներին: Մարտերը պետք է դադարեցվեն և դադարեցվեն հիմա»,- հայտարարել է Գուտերեշը։

Առնվազն 550 մարդ է զոհվել, 4,926-ը՝ վիրավորվել այն բանից հետո, երբ ապրիլին միմյանց թշնամանքով վերաբերող գեներալների միջև մարտեր սկսվեցին։

Տասնյակ հազարավոր սուդանցիներ փախել են հարևան երկրներ, իսկ օտարերկրյա կառավարությունները շտապ տարհանում են իրենց քաղաքացիներին: Այս ընտանիքները փորձում են նստել Սաուդյան Արաբիայի Ջիդդա ծովափնյա քաղաք ուղևորվող նավերը։

Տաթև Ֆռանգյան