26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
ԵՄ-ն Ուկրաինային 2 մլրդ եվրոյի զինամթերք կտրամադրի
Քաղաքականություն
04.05.2023 | 17:33
ԵՄ-ն Ուկրաինային կտրամադրի 2 միլիարդ եվրոյի զինամթերք։ Այս մասին հայտարարել է Ուկրաինայի վարչապետ Դենիս Շմիգալը, փոխանցում է Korrespondent-ը։ «ԵՄ անդամ երկրներն արդեն հիմա 1 միլիարդ եվրոյի զինամթերք կուղարկեն իրենց պահեստներից, Եվրամիությունը ևս 1 միլիարդ եվրո է հատկացնում Ուկրաինայի համար նրանց հետագա համատեղ գնումների համար։
Եվրոպան մեծացնում է զինամթերքի արտադրության հզորությունը, և դրա համար մոբիլիզացվելու է ևս 1 միլիարդ եվրո։ Այս ամենը կմոտեցնի մեր հաղթանակն ու խաղաղությունը Եվրոպայում։ Մենք շնորհակալ ենք Եվրահանձնաժողովին ակտիվ աշխատանքի, արդար դիրքորոշման և Ուկրաինայի հետ համերաշխության համար»,- ասված է հաղորդագրության մեջ։
Հիշեցնենք, որ Միացյալ Նահանգները հայտարարել է Ուկրաինայի զինված ուժերին օգնության նոր փաթեթի մասին։ ԱՄՆ-ն ապրիլի 19-ին հայտարարել է Կիևին ռազմական օգնության վերջին տրանշի մասին։ Մինչ այժմ օգնության ընդհանուր ծավալը հասել է մոտ 36 միլիարդ դոլարի։
