08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Հովիկ Աղազարյանին հաջողություն եմ մաղթում. Թագուհի Թովմասյանը՝ իրեն պաշտոնանկ անելու նախաձեռնության մասին․ ՏԵՍԱՆՅՈՒԹ
Քաղաքականություն
04.05.2023 | 11:42
«Նախ ես պետք է հասկանամ, թե ինչ հիմքով է այդ գործընթացն իրականացվում»,- ԱԺ ճեպազրույցների ժամանակ ասաց «Պատիվ ունեմ» խմբակցության պատգամավոր Թագուհի Թովմասյանը՝ անդրադառնալով «Քաղաքացիական պայմանագիր» խմբակցության պատգամավոր Հովիկ Աղազարյանի նախաձեռնությանը՝ Թագուհի Թովմասյանին ԱԺ մարդու իրավունքների պաշտպանության մշտական հանձնաժողովի նախագահի պաշտոնից զրկելու վերաբերյալ։
Անդրադառնալով դիտարկմանը, որ կա տեղեկություն այն մասին, որ առաջիկայում այդ ստորագրահավաքը կդրվի շրջանառության մեջ։
«Ուղղակի ծիծաղելի է, որ հնարավոր է ուրիշի խոսքի ազատությունը չսահմանափակելը դառնա դատապարտելի արարք Մարդու իրավունքների հանձնաժողովի նախագահի համար։ Այսինքն՝ ես պետք է պատգամավորներից որ մեկի բերանը փակեի, որպեսզի իրենք իրենց խոսքի ազատությունը չիրացնեին։
Յուրաքանչյուր մարդ ունի իր կարծիքն ազատ արտահայտելու իրավունք, և այդ իրավունքն իրացրել է նաև Էդգար Ղազարյանը։ Ես ուղղակի չեմ կարողանում պատկերացնել, որ հնարավոր է այդպիսի իրավիճակ, բայց ես Աղազարյանին հաջողություն եմ մաղթում։ Ես ուշադրությամբ կհետևեմ հիմնավորումներին, որից հետո իմ տեսակետը կհայտնեմ։ Բայց հիմա դեռ միս ու արյուն չկա այդ պրոցեսի մեջ»,- նշեց Թովմասյանը։
Մանրամասները՝ տեսանյութում։
