15.02.2026 | 19:50
ԱՄՆ-ը կասկածի տակ չի դնում եվրոպական երկրների եզրակացությունները Նավալնիի էպիբատիդինով թունավորման վերաբերյալ․ Մարկո Ռուբիո
Ջերմուկում մեկնարկել է Ստեփան Ավագյանի շախմատային միջազգային մրցաշարը
04.05.2023 | 10:46
Ջերմուկում մեկնարկել է Ստեփան Ավագյանի շախմատային միջազգային մրցաշարը:
«Արմենպրես»-ի հաղորդմամբ` 16-րդ միջազգային մրցաշարին այս տարի մասնակցում են Հայաստանի, ԱՄՆ-ի, Չեխիայի, Գերմանիայի, Հնդկաստանի, Ուզբեկստանի, Ռուսաստանի և Իրանի բարձր վարկանիշ ունեցող շախմատիստները:
Մրցաշարի անդրանիկ տուրում Հայաստանի ներկայացուցիչներից երկուսը` Հայկ Մարտիրոսյանը և Ռոբերտ Հովհաննիսյանը մրցեցին միմյանց հետ: Պարտիան ավարտվեց ոչ-ոքի: Հայաստանի մյուս ներկայացուցիչը` Արթուր Դավթյանը պարտություն կրեց:
ԱՄՆ-ն ներկայացնող հայազգի շախմատիստ Սամուել Սևյանը մեկնարկեց հաղթանակով:
Ստեփան Ավագյանի միջազգային մրցաշարին մասնակցում են 10 շախմատիստներ: Այն կեզրափակվի մայիսի 11-ին: Մրցաշարի մրցանակային ֆոնդը կազմում է 4 միլիոն դրամ:
