08.10.2026 | 15:25
Գրականության ոլորտում Նոբելյան մրցանակը շնորհվել է կանադացի հեղինակի
Վաշինգտոնը հիասթափությամբ է ընդունել հայկական ավիաընկերությունների թռիչքները Թուրքիայի տարածքով արգելելու որոշումը
Քաղաքականություն
04.05.2023 | 11:55
Վաշինգտոնը հիասթափությամբ է ընդունել Թուրքիայի՝ հայկական ավիաընկերությունների թռիչքների թույլտվության դադարեցման մասին հայտարարությունն ու մեծ հույսեր ունի, որ Թուրքիան և Հայաստանը կարող են շարունակել վերականգնել տնտեսական կապերը, ինչպես նաև՝ բացել տրանսպորտային կապերը։ Այս մասին ճեպազրույցի ժամանակ ասել է ԱՄՆ պետքարտուղարության փոխխոսնակ Վեդանտ Պատելը:
«ԱՄՆ-ը վճռականորեն աջակցում է Հայաստան-Թուրքիա հարաբերությունների կարգավորմանը, ինչը, կարծում ենք, կարևոր կլինի ոչ միայն այս երկու երկրների համար, այլև օգտակար կլինի ողջ տարածաշրջանում կայունության համար։ Մենք հիասթափությամբ ընդունեցինք Թուրքիայի հայտարարությունը, որ կդադարեցնի հայկական ավիաընկերությունների թռիչքների թույլտվությունները։ Օդային կապերը վերսկսելու վերաբերյալ համաձայնությունը, որը նախկինում ձեռք էր բերվել այս երկու երկրների միջև, վստահության ամրապնդման շատ կարևոր միջոց էր ոչ միայն այս երկու երկրների միջև, այլև, կրկին, ընդհանուր առմամբ տարածաշրջանային կայունության համար: Եվ մենք մեծ հույս ունենք, որ Թուրքիան և Հայաստանը կարող են շարունակել վերականգնել տնտեսական կապերը, ինչպես նաև բացել տրանսպորտային ուղիները»,- ասել է Պատելը։
