09.09.2026 | 09:59
Պաշտպանության նախարարի չսպասված այցը Արարատյան հովտի զորամասերից մեկը
Մենք ռուսական առաջարկները չենք մերժել․ Արևմուտքից առաջարկ չենք ստացել․ Փաշինյան
Քաղաքականություն
03.05.2023 | 20:21
ԱԺ «Քաղաքացիական պայմանագիր» խմբակցության պատգամավոր Լիլիթ Մինասյանը վարչապետ Նիկոլ Փաշինյանին հարց է ուղղել Ադրբեջանի հետ կնքվելիք խաղաղության պայմանագրի վերաբերյալ ռուսական առաջարկների մասին։
«Մեր ընդդիմությունը պարբերաբար շեշտում է, որ երբ Հայաստանը համաձայնվել է և՛ ռուսական, և՛ արևմտյան առաջարկներին, դրանով իսկ մերժել է ռուսական առաջարկները, քանի որ դրանք բովանդակությամբ հակասում են իրար»,- նշեց պատգամավորը` հորդորելով պարզաբանել այս կարծիքը:
Նիկոլ Փաշինյանը պարզաբանել է, որ Արևմուտքից առաջարկներ չեն ստացվել, առաջարկներ ներկայացրել է Ռուսաստանը, որոնք Հայաստանն ընդունել է:
Վարչապետն ընդգծել է, որ այդ առաջարկների մասին խոսել է նաև 2022 թվականի հոկտեմբերի 31-ին ՌԴ նախագահի հետ ունեցած հանդիպման հրապարակային հատվածում։
«Արևմուտքից առաջարկ չի եղել, որը դեռ բովանդակությամբ էլ հակասի ռուսականին, և Պրահայի հարթակում մենք վերահաստատել ենք, որ ճանաչում ենք երկրների տարածքային ամբողջականությունը։ Ես այստեղ հակասություն չեմ տեսնում»,- նշեց վարչապետը։
Նրա խոսքով` տարածքային ամբողջականության սկզբունքը, որն ամենից հաճախ է քննարկման առարկա դառնում, միշտ էլ ընդունված է եղել։ Հիշատակեց Մադրիդյան սկզբունքները, որոնցով, ըստ Փաշինյանի, Հայաստանն ընդունել է Ադրբեջանի տարածքային ամբողջականությունը։
«Հիմա ասում են` բա՞ ինքնորոշումը։ Ինքնորոշման պրոբլեմատիկայի մասին մենք անընդհատ խոսում ենք»,-նշեց Փաշինյանը։
Մանրամասները՝ տեսանյութում։
