16.12.2025 | 20:45
Անհիմն են արգելվել ցույցերը․ 2020-ին հայտարարված ռազմական դրության հետքերով. ՏԵՍԱՆՅՈՒԹ
Մաքսատունը կեղտի մեջ կորած է, աշխատակիցները գռեհիկ են. Գեղամ Նազարյանը՝ Հայաստան-Իրան սահմանի մասին․ ՏԵՍԱՆՅՈՒԹ
Քաղաքականություն
03.05.2023 | 19:06
Ավտոմեքենայով Իրան – Հայաստան սահմանը հատելն իսկական փորձություն է դառնում, Իրանի հատվածում անցումը տևում է մոտ 1 ժամ, Հայաստանի հատվածում` 3-5 ժամ։ Այս մասին Ազգային ժողովում կառավարության հետ հարցուպատասխանի ժամանակ նշեց «Հայաստան» խմբակցության պատգամավոր Գեղամ Նազարյանը՝ գործադիրին դիմելով իրանահայության և Իրանի քաղաքացիների փոխանցած խնդրով։
«Մաքսատունը կեղտոտ է, չկա նորմալ զուգարան, աշխատակիցները կոպիտ են, գռեհիկ, մարդատար ավտոմեքենաներն ու բեռնատարները նույն հերթի մեջ են։ Եթե Իրանից Հայաստան մտնող մեքենան ունի տուգանք, որի մասին տեղյակ չի, ստիպված է մեքենան թողնել, մոտ 2 կմ ոտքով քայլել, եթե բանկի աշխատակիցը վճարումն ընդունի, կվճարի, եթե ոչ, չի վճարի, տերմինալ չկա։ Ամբողջ տարածքում վայրի, կատաղած շներ են։ Չկա որևէ նշան, բացատրություն, հատկապես հայերեն չիմացող մարդկանց համար, թե ինչ պետք է անել, աղբաման չկա, ջուր չկա․․․ Ասում են` կարո՞ղ է այդպես եք անում, որ Հայաստան չգանք»,- հարցը փոխանցեց Նազարյանը։
ՀՀ վարչապետ Նիկոլ Փաշինյանն ի պատասխան նշեց, որ այդ խնդիրների մի մասն իրենք էլ են արձանագրել, դրա համար էլ որոշում են կայացրել Մեղրիում նոր մաքսակետ կառուցել՝ Եվրամիության աջակցությամբ։
«28 միլիոն դոլարի ներդրումային ծրագիր ենք իրականացնում, որպեսզի ֆունդամենտալ կերպով լուծենք այս խնդիրը»,- նշեց Փաշինյանը՝ հավելելով, որ ցանկություն կա, որ թե՛ իրանահայերը, թե՛ Իրանի քաղաքացիները հաճախ լինեն Հայաստանում։
Մանրամասները՝ տեսանյութում։
