08.10.2026 | 18:48
Առանց ակումբի մնացած ամենաթանկ ֆուտբոլիստները՝ ըստ Transfermarkt-ի
Մոսկվայում արգելել են անօդաչու թռչող սարքեր արձակել
Քաղաքականություն
03.05.2023 | 20:30
Մայիսի 3-ից Մոսկվայում արգելված է անօդաչու թռչող սարքերի արձակումը։ Այս մասին հայտարարել է Մոսկվայի քաղաքապետ Սերգեյ Սոբյանինը, գրում է Meduza-ն։
Չի նշվում, սակայն, թե մինչև երբ է գործելու արգելքը։
Սոբյանինի խոսքով՝ արգելքը չի տարածվում այն անօդաչու թռչող սարքերի վրա, որոնք գործարկվում են «պետական իշխանությունների որոշումների համաձայն»։
Հայտարարության մեջ ասվում է, որ արգելքը սահմանվել է «անօդաչու թռչող սարքերի անօրինական օգտագործումը կանխելու նպատակով, որը կարող է խոչընդոտել իրավապահ մարմինների աշխատանքը»:
Ուշագրավ է, որ քաղաքապետարանի հայտարարությունից անմիջապես հետո ՌԴ նախագահի մամուլի ծառայությունը հայտարարել է, որ երկու անօդաչու թռչող սարքեր հարձակվել են Կրեմլի վրա, որում ՌԴ-ն մեղադրում է Ուկրաինային։
Պաշտոնական Կիևը հերքել է Մոսկվայի մեղադրանքները։
Էմմա Չոբանյան
