27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Ջրվեժի կենտրոնական ճանապարհը խայտառակ վիճակում է․ ինչո՞ւ է երկար տևում վերանորոգումը․ Խաչատրյան․ ՏԵՍԱՆՅՈՒԹ
Քաղաքականություն
03.05.2023 | 17:16
Այսօր ԱԺ-Կառավարություն հարցուպատասխանի ժամանակ ԱԺ «Քաղաքացիական պայմանագիր» խմբակցության պատգամավոր Վիգեն Խաչատրյանը, դիմելով, որ ՏԿԵ նախարար Գնել Սանոսյանին, նշեց, որ Ջրվեժի կենտրոնական ճանապարհը, որի շարունակությունը տանում է դեպի Գառնի երկրորդ ամիսն է ուղղակի խայտառակ վիճակում է, փոսեր, քայքայված ճանապարհ, և հետաքրքրվեց, թե ինչու է վերանորոգումն այդքան երկար տևում։
«Ըստ էության, վերանորոգում էլ չկա երկու ամիս է, ես հիշում եմ, որ անցյալ տարի այդ ճանապարհը բավականաին լավ կառուցվեց ու քայքայվեց, ի՞նչն է պատճառը, որ ճանապարհը մի տարում շարքից դուրս է գալիս։ Խնդիրն այն չի, որ մանր-մունր փոսեր են, աներևակայելի քայքայված ճանապարհով հասկանալի չի, ինչո՞ւ է այդպես անհետևողականություն դրսևորվում այդ կարևոր ուղղության վրա»,-ասաց Խաչատրյանը։
Ի պատասխան՝ Գնել Սանոսյանն ասաց, որ վարչական առումով խնդիրը Երևանի տիրույթում է և դրանից 300-400 մետր այն կողմ է սկսում նախարարության տիրույթը, բայց դա պատասխանատվության բեռը չի փոքրացնում։
«Ես պարոն Ավինյանի հետ էլ եմ խոսել, համայնքապետի հետ էլ եմ խոսել, իրենք կարծես՝ այդտեղ որոշակի հիմնանորոգման տարբերակ են մտածում, դրա համար հիմա միջին նորոգման կամ փոսալցման աշխատանք չեն իրականացնում ու կարծում եմ՝ առաջիկայում արագ կանեն, իրենք էլ գիտեն, որ լուրջ խնդիր կա։
Իսկ դրանից, որ կամուրջը անցնում ենք դեպի Գառնի, մեր տիրույթում է, մենք որոշակի փոսալցման աշխատանքներ իրականացրել ենք, բայց նախագծման աշխատանք նաև ունենք, դեպի Գառնիի ուղղությամբ, մի մասը այս տարի, մի մասը հաջորդ տարի կիրականացնենք»,- նշեց Սանոսյանը՝ հույս հայտնելով, որ արագ կկարգավորվի այդ հարցը։
Մանրամասները՝ տեսանյութում։
