06.05.2024 | 23:35
Պարեկները ապրիլի 29-ից մայիսի 6-ը Երևանում հայտնաբերել են 4 123, մարզերում՝ 12 068 խախտում
Կիևը հերքում է Կրեմլի վրա հարձակման փորձի մեղադրանքները
Քաղաքականություն
03.05.2023 | 17:54
Ուկրաինայի նախագահի մամուլի քարտուղար Սերգեյ Նիկիֆորովը BBC-ին ասել է, որ Կիևի նպատակն օկուպացված տարածքների ազատագրումն է, ոչ թե Մոսկվան։ Նա այսպես է արձագանքել Կրեմլին ԱԹՍ-ով հարված հասցնելու փորձի մասին Մոսկվայի մեղադրանքներին։
«Մենք տեղեկություն չունենք Կրեմլի վրա, այսպես կոչված, գիշերային հարձակումների մասին, սակայն, ինչպես նախագահ Զելենսկին է բազմիցս հայտարարել, Ուկրաինան իր բոլոր առկա ուժերն ու միջոցներն ուղղում է սեփական տարածքները ազատագրելուն, այլ ոչ թե ուրիշների տարածքների վրա հարձակվելուն»,- ասել է նա։
Նրա խոսքով՝ ահաբեկչությունը Դնեպրի և Ումանի տների ավերումն է, իսկ «այն, ինչ տեղի է ունեցել Մոսկվայում, ակնհայտ է, որ մայիսի 9-ից առաջ իրավիճակի սրում է»։
Հիշեցնենք, որ ավելի վաղ ՌԴ նախագահի մամուլի ծառայությունը հաղորդագրություն էր տարածել, որում պնդում էր, թե Կիևը փորձել է անօդաչու սարքերով հարվածել Կրեմլին, սակայն հարձակումը հաջողությամբ հետ է մղվել։
«Այս գիշեր Կիևի ռեժիմը անօդաչու թռչող սարքերով փորձ է արել հարվածել Ռուսաստանի Դաշնության Նախագահի կրեմլյան նստավայրին»,- ասված է հաղորդագրության մեջ։
ՌԴ ղեկավարի մամուլի ծառայության հաղորդմամբ՝ «Կրեմլի ուղղությամբ երկու անօդաչու թռչող սարքեր են ուղղորդվել»։
Տաթև Ֆռանգյան
