14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Իրանի նախագահը 13 տարվա մեջ առաջին այցով Սիրիա է ժամանել
Քաղաքականություն
03.05.2023 | 19:40
Իրանի նախագահ Էբրահիմ Ռաիսին Սիրիա է ժամանել, հայտնում է սիրիական SANA գործակալությունը։
Ըստ տեղեկությունների՝ Ռաիսիին ուղեկցում է մեծ պատվիրակություն, որոնց թվում են արտաքին գործերի և պաշտպանության նախարարներ Հոսեյն Ամիր Աբդոլլահիանը և Մոհամմադ Ռեզա Աշտիյանին, ինչպես նաև նավթի նախարար Ջավադ Ուջին:
Սա Իսլամական Հանրապետության նախագահի առաջին այցն է Սիրիա վերջին 13 տարվա ընթացքում։
Իրանի կառավարության խոսնակ Ալի Բահադորի Ջահրոմին ավելի վաղ հայտնել էր, որ բանակցությունները կկենտրոնանան առևտրատնտեսական համագործակցության վրա։
Ապրիլի 28-ին սիրիական El Watan թերթը, հղում անելով կառավարական աղբյուրին, հայտնել էր, որ Ռաիսին և Սիրիայի նախագահ Բաշար ալ-Ասադը մայիսի 3-4-ը Դամասկոսում բանակցություններ կանցկացնեն՝ ամրապնդելու երկկողմ ռազմավարական համագործակցությունը, մասնավորապես, տնտեսական ոլորտում։ Աղբյուրի տվյալներով՝ իրանցի քաղաքական գործչի այցի ընթացքում փաստաթղթերի մեծ փաթեթ կստորագրվի։
Էմմա Չոբանյան
