14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Բրյուսելում ԵՄ-Ադրբեջան էներգետիկ համագործակցության հարցեր են քննարկվել
Քաղաքականություն
03.05.2023 | 19:15
Բրյուսելում տեղի է ունեցել ԵՄ-Ադրբեջան էներգետիկ երկխոսության նիստը՝ էներգետիկայի հարցերով եվրահանձնակատար Կադրի Սիմսոնի և Ադրբեջանի էներգետիկայի նախարար Փարվիզ Շահբազովի մասնակցությամբ, գրում են ադրբեջանական լրատվամիջոցները։
«Եվրամիության և Ադրբեջանի միջև էներգետիկ երկխոսություն եմ անցկացրել նախարար Փարվիզ Շահբազովի հետ՝ մեր ռազմավարական գործընկերության քննարկման համար»,- ասել է Սիմսոնը։
Նա նաև նշել է, որ երկու կողմերի համագործակցությունը չի սահմանափակվում միայն գազով, հսկայական ներուժ կա նաև էներգիայի վերականգնվող աղբյուրների ոլորտում։
Սիմսոնը նաև ասել է, որ ԵՄ-ն ձմեռը հաղթահարել է գազային կիսով չափ լցված պահեստներով։
«Մենք դրան հասել ենք ԵՄ քաղաքացիների և մեր հուսալի գործընկերների շնորհիվ, ինչպիսին է Ադրբեջան։ Երկուսս էլ վճռական ենք՝ իրականացնելու մեր ռազմավարական գործընկերությունը»,- ընդգծել է էներգետիկայի հարցերով եվրահանձնակատարը։
Հավելենք, որ 2023 թվականի համար Ադրբեջանից գազի արտահանումը նախատեսվում է 24,5 միլիարդ խորանարդ մետրի մակարդակում, որից մոտ 12 միլիարդ խորանարդ մետրը կարտահանվի Եվրոպա։
Էմմա Չոբանյան
