27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
2,5 տարի առաջ մի փողոցում լեդ լույսեր են դրել, դեռ չեն միացրել. Սուքիասյանը՝ Գլխավոր դատախազին․ ՏԵՍԱՆՅՈՒԹ
Տեսանյութեր
03.05.2023 | 12:52
Պետական մարմինների անփութությունը, անհետևողականությունը բերում է կորուստների։ Այս մասին Ազգային ժողովում Դատախազության 2022 թվականի տարեկան հաղորդումը քննարկելիս նշեց Քաղաքացիական պայմանագիր» խմբակցության պատգամավոր Խաչատուր Սուքիասյանը՝ դիմելով Գլխավոր դատախազ Աննա Վարդապետյանին։
Գլխավոր դատախազն ի պատասխան նշեց, որ պետական պաշտոնյաների անփութությունը կամ դիրքի չարաշահումները գտնվում են Գլխավոր դատախազության ուշադրության ներքո։ Նրա խոսքով՝ միջնորդություններ են ներկայացվում պատկան մարմիններ, և յուրաքանչյուր դատախազ հետևողական է իր կողմից ուղարկված միջնորդության ընթացքին։
Պատգամավորը տեղեկացրեց, որ, օրինակ, 2,5 տարի առաջ մի փողոցում լեդ լույսեր են դրել, սակայն դեռ չեն միացրել և հետաքրքրվեց․ «Ինչ-որ մեկը դրա համար պետք է պատասխան տա՞»։
«Հանրային բարիքի նկատմամբ անպատասխանատու վերաբերմունքի առումով էլ ունենք գործառույթ՝ համայնքային շահի պաշտպանության գործառույթ ունենք։ Եվ բոլոր այն իրավիճակներում, երբ որ խոսքը հարկատուների փողերի մասին է, և պատկան մարմինները չեն իրականացնում իրենց գործառույթը, դատախազությունն իր հանձնառությունը ստանձնում է, հայց է ներկայացնում։ Վերջերս ավելացել է մեր կողմից ներկայացվող հայցերի քանակը»։
Մանրամասները՝ տեսանյութում։
