13.01.2025 | 23:21
Հասմիկ Տոլմաջյանը նշանակվել է Շվեյցարիայում ՀՀ դեսպան
Գազայի հատվածից 24 ժամում 70 հրթիռ է արձակվել Իսրայելի ուղղությամբ
Քաղաքականություն
03.05.2023 | 13:33
Պաղեստինյան արմատականները Գազայի հատվածից մեկ օրում ավելի քան 70 հրթիռ են արձակել Իսրայելի տարածք։ Իսրայելի պաշտպանության բանակի կործանիչներն ու ուղղաթիռներն ի պատասխան հարվածներ են հասցրել Պաղեստինյան անկլավում գտնվող ՀԱՄԱՍ արմատական շարժման ռազմական օբյեկտներին ։ Այս մասին չորեքշաբթի հայտնել է Իսրայելի պետական Kan ռադիոկայանը։
Աղբյուրը նշում է, որ չորեքշաբթի գիշերը պաղեստինցի արմատականների հետ հրադադարի շուրջ պայմանավորվածություն ձեռք բերելուց հետո Իսրայելի իշխանությունները որոշել են մայիսի 3-ի առավոտյան չչեղարկել դասերը հարավային Իսրայելի սահմանային շրջանների դպրոցներում։
Ըստ Kan-ի՝ զինադադարի ուժի մեջ մտնելուց անմիջապես հետո սեկտորին հարող գյուղում գիշերը աշխատել են հակաօդային պաշտպանության ազդանշանները, սակայն դրանից հետո սահմանին մի քանի ժամ լռություն է տիրել։
Ռադիոկայանը նշում է, որ Գազայից հրթիռակոծությունները սկսվել են երեքշաբթի վաղ առավոտյան՝ իսրայելական բանտում ռադիկալ պաղեստինյան «Իսլամական ջիհադ» խմբավորման ակտիվիստ Խադր Ադնանի մահից մի քանի ժամ անց, որը արդեն երեք ամիս հացադուլի մեջ է։ Նրան մեղադրանք է առաջադրվել ահաբեկչական գործունեության համար, նա հրաժարվել է բժշկական օգնությունից, նշում է ռադիոկայանը։
