08.10.2026 | 20:14
Ոստիկանության տարածքային բաժիններ է ներկայացվել նախկինում դատապարտված և հանցավոր հակումներ ունեցող 77 անձ
Մայիսի 5-ին Ստամբուլում նախատեսվում է Թուրքիայի, ՌԴ-ի ու Ուկրաինայի ՊՆ փոխնախարարների հանդիպումը
Քաղաքականություն
03.05.2023 | 12:21
Ստամբուլում մայիսի 5-ին նախատեսվում է անցկացնել Թուրքիայի, Ռուսաստանի ու Ուկրաինայի ՊՆ փոխնախարարների հանդիպումը «հացահատիկային գործարքի» ժամկետի երկարացման հարցով։ Այս մասին հայտնել է Թուրքիայի պաշտպանության նախարար Հուլուսի Աքարը լրագրողների հետ զրույցում, գրում է Անադոլուն։
Նա հիշեցրել է, որ Մոսկվա կատարած իր վերջին այցի ժամանակ առանձին հանդիպում է ունեցել Սերգեյ Շոյգուի հետ, իսկ ապրիլի 18-ին Կայսերիում բանակցություններ են տեղի ունեցել Ուկրաինայի ենթակառուցվածքների նախարար Ալեքսանդր Կուբրակովի հետ։
«Երկու հանդիպումներում էլ քննարկվել է «հացահատիկային միջանցքի» թեման։ Երկու կողմերն էլ աջակցել են թուրքական կողմի առաջարկին՝ մայիսի 5-ին Ստամբուլում հանդիպում անցկացնել պաշտպանության փոխնախարարների մակարդակով։ Նախատեսվում է նաև մի շարք այլ հարցեր քննարկել»,-ասել է Աքարը՝ հույս հայտնելով, որ «հացահատիկային գործարքը» կերկարաձգվի առանց հապաղման։
