26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
ԱՄՆ-ն թուլացնո՛ւմ է ՌԴ-ին. նյարդային է Կրեմլը, կպարտվի՝ հենց սխալվի․ վերջնաժամկետը հունիսն է․ Արմեն Պետրոսյան. ՏԵՍԱՆՅՈՒԹ
Քաղաքականություն
02.05.2023 | 21:02
Տարածաշրջանային հարցերով փորձագետ Արմեն Պետրոսյանը Factor TV-ին տված հարցազրույցում կարծիք է հայտնում, որ այսօր Վաշինգտոնում ընթացող Հայաստան-Ադրբեջան բանակցային պրոցեսում առավելագույն դրական արդյունքը կարող է լինել շրջանակային համաձայնագրի ստորագրումը, որում կներառվեն նաև հայկական պահանջները։ Որպեսզի դա տեղի ունենա, փորձագետը պնդում է, որ անհրաժեշտ է ԱՄՆ-ի խիստ ճնշումն Ադրբեջանի վրա։
2020 թվականից հետո Ադրբեջանի ապակառուցողականությունը հատկապես ընդգծվել է՝ խախտված է ռազմական բալանսը, հետևաբար՝ ադրբեջանական կողմը հակված չէ փոխզիջումներ կատարել։
Արմեն Պետրոսյանը կարծում է, որ Բաքուն կարող է խափանել Վաշինգտոնի գործընթացը, չպահպանել պայմանավորվածությունները, քանի որ հաշվի է նստում Ռուսաստանի և Թուրքիայի շահերի հետ։ Փորձագետը նշում է, որ այսօր ՀՀ-ն չի կարող ապահովել Արցախը հայկական պահելու գերխնդիրը, և անհրաժեշտ է միջազգային մեխանիզմ ներգրավել։ Այս հարցը սրվում է հատկապես, երբ ռուսական խաղաղապահները լիարժեք չեն կատարում անվտանգության երաշխավորի դերը, և չեն կանխում ադրբեջանական հարձակումները, սադրանքների վերջին փաստն անցակետի տեղադրումն է։
Հարցազրույցն ամբողջությամբ՝ տեսանյութում։
Ռոբերտ Անանյան
