08.04.2026 | 23:33
Հայաստանը տարածաշրջանում առաջատարն է The Economist-ի Ժողովրդավարության ինդեքսի համաձայն
Իրանի նախագահը 10 տարվա ընթացքում առաջին անգամ Սիրիա կայցելի
Քաղաքականություն
02.05.2023 | 19:52
Իրանի նախագահ Իբրահիմ Ռաիսին չորեքշաբթի երկօրյա պաշտոնական այցով մեկնելու է Դամասկոս՝ Սիրիայի նախագահ Բաշար ալ-Ասադի հրավերով, գրում է Ինտերֆաքսը։
Սիրիական պետական SANA գործակալությունը հայտնում է, որ բանակցությունների ընթացքում Ասադն ու Ռաիսին քննարկելու են «երկկողմ հարաբերությունները, ընդհանուր հետաքրքրություն ներկայացնող քաղաքական և տնտեսական հարցեր, ինչպես նաև դրական զարգացումները տարածաշրջանում»։
Իրանի նախագահին այցի ընթացքում ուղեկցելու է գործարար շրջանակների և քաղաքական գործիչների պատվիրակությունը։ Իրանական լրատվամիջոցներն էլ նշում են, որ սա Իրանի նախագահի առաջին այցն է Սիրիա 10 տարվա ընդմիջումից հետո։ Ռաիսին նաև մասնակցելու է իրանցի և սիրիացի գործարարների հանդիպմանը, այցելելու է սրբավայրեր։
Հավելենք, որ ապրիլին Մոսկվայում սիրիական կարգավորման հարցով տեղի են ունեցել ՌԴ-ի, Թուրքիայի, Իրանի, Սիրիայի ԱԳ փոխնախարարների, ինչպես նաև ՊՆ ու հետախուզական ծառայությունների ղեկավարների հանդիպումները։
Էմմա Չոբանյան
