13.01.2025 | 18:26
«Մայր Հայաստան» խմբակցությունը Երևանի ավագանու արտահերթ նիստ կգումարի
Պեսկովը պնդում է, թե Ղարաբաղի հարցում եռակողմ հայտարարություններին այլընտրանք չկա
Քաղաքականություն
02.05.2023 | 16:53
Հայաստանի և Ադրբեջանի միջև իրավիճակի կարգավորման հարցում օգնությունը կարելի է ողջունել, բայց միայն Ռուսաստանի Դաշնության հետ կնքված եռակողմ համաձայնագրերի հիման վրա, որոնց այլընտրանք չկա, հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Երկու երկրների միջև առկա խնդիրների լուծումը և տարածաշրջանում լարվածության թուլացմանն ուղղված որոշ համատեղ գործողությունների ու քայլերի հնարավոր զարգացումն առաջին հերթին հնարավոր է Ռուսաստանի հետ համատեղ ստորագրված եռակողմ փաստաթղթերի հիման վրա։ Այլ իրավական հիմքեր, որոնք կնպաստեն կարգավորմանը, չկան։ Ըստ այդմ՝ այս եռակողմ փաստաթղթերը բացարձակապես այլընտրանք չունեն»,-ասել է Պեսկովը։
Մեկնաբանելով ԱՄՆ պետքարտուղար Էնթոնի Բլինքենի հանդիպումը Հայաստանի ու Ադրբեջանի ԱԳ նախարարի հետ՝ Պեսկովն ասել է, որ ցանկացած օգնությանը կարող է ողջունվել։
«Իհարկե, ողջունելի է ցանկացած օգնություն, որը կարող է օգնել կարգավորել այս բազայի հիման վրա։ Սակայն մենք նաև գիտենք, որ լինում են նաև տարբեր փորձեր, որոնք լղոզում են կարգավորման հիմքը և հեռանկարում կարող են արդյունք չտալ։ Հուսով ենք, որ այս դեպքում խոսքն առաջին դեպի մասին»,-նշել է Կրեմլի խոսնակը։
Հավելենք, որ Պեսկովը չի անդրադարձել հարցին, թե իր հիշատակած եռակողմ հայտարարությունը խախտած Ադրբեջանը երբ է կատարելու իր պարտավորությունները և վերացնելու է արդյոք Լաչինի միջանցքի շրջափակումը։ Խոսք չի եղել նաև այն մասին, թե որպես փաստաթղթի երաշխավոր ՌԴ-ն ինչ քայլեր է ձեռնարկում Լաչինի միջանցքում Բաքվի ապօրինի տեղադրած անցակետի հանման ուղղությամբ։
Էմմա Չոբանյան
