14.12.2025 | 11:41
Ապարանի համայնքապետարանը՝ քամու պատճառած վնասների մասին
Այդ 2,6 միլիարդ դոլարից խեր-խաբար կա՞. Արթուր Խաչատրյանը դիմեց փոխնախարարին․ ՏԵՍԱՆՅՈՒԹ
Քաղաքականություն
02.05.2023 | 15:18
Ազգային ժողովի հերթական նիստում քննարկվում է «Հայաստանի Հանրապետության եւ Եվրասիական զարգացման բանկի միջեւ «Հյուսիս-հարավ» ավտոճանապարհային միջանցքի շինարարություն (4-րդ հերթ)» նախագծի ֆինանսավորման համար Կայունացման եւ զարգացման եվրասիական հիմնադրամի միջոցներից ներդրումային վարկի տրամադրման մասին» համաձայնագրի թիվ 4 լրացուցիչ համաձայնագիրը վավերացնելու մասին նախագիծը։
Ծրագրի շրջանակում նախատեսվում է վերակառուցել «Հյուսիս-հարավ» ավտոճանապարհային միջանցքի շուրջ 32 կմ երկարությամբ ճանապարհ (Ագարակ-նախատեսվող Քաջարանի թունելի մուտք): Այս մասին նշեց Տարածքային կառավարման և ենթակառուցվածքների նախարարի տեղակալ Քրիստինե Ղալեչյանը։
Փոխնախարարը հայտնեց, որ համաձայնագրի վավերացման արդյունքում երկրորդ տեխնիկական կարգի 80 կմ/ժ արագությամբ 3 երթեւեկելի գոտիներով ճանապարհ կստեղծվի: Նախատեսվում է կառուցել նաեւ 17 կամուրջ, 2 թունել:
Գերատեսչության ներկայացուցչի դխոսքով՝ նախագծով առաջարկվում է կատարել երկու փոփոխություն՝ երկարաձգել վարկային համաձայնագրի ժամկետը մինչեւ 2026 թվականի դեկտեմբերի 30-ը, և ծրագրի բյուջեում կատարել փոփոխություններ. շինարարական աշխատանքները ֆինանսավորելու մասով համաֆինանսավորման միջոցների չափն ավելացնել շուրջ 86.681.000 ԱՄՆ դոլարի չափով, ինչի արդյունքում ծրագրի ամփոփ բյուջեն կկազմի 236.681.000 ԱՄՆ դոլար:
«Հայաստան» խմբակցության պատգամավոր Արթուր Խաչատրյանը հետաքրքրվեց, թե Եվրամիության կողմից Հայաստանին հատկացված 2,6 մլրդ եվրոյից որքա՞ն գումար է արդեն մտել Հայաստան։ «Այդ 2,6 միլիարդ դոլարից խեր-խաբար կա՞»,- դիմելով Ղալեչյանին՝ հարցրեց Արթուր Խաչատրյանը։
Մանրամասները՝ տեսանյութում։
