26.06.2026 | 22:15
Forbes. Երեմյան ընկերությունների խմբի 20 տարին, 27 բիզնես ուղղությունն ու մեկ տեսլականը
ԱՄՆ-ը չի հաստատում Սիրիայում Թուրքիայի կողմից ԻԼԻՊ-ի առաջնորդին չեզոքացնելու մասին Էրդողանի պնդումները
Քաղաքականություն
02.05.2023 | 18:16
Վաշինգտոնը հայտարարել է, որ չի կարող հաստատել Թուրքիայի պնդումը, թե ռազմական գործողությունների արդյունքում սպանվել է ԻԼԻՊ-ի առաջնորդը, գրում է Al Monitor-ը։
Հիշեցնենք, որ Թուրքիայի նախագահ Ռեջեփ Թայիփ Էրդողանը հայտարարել էր, թե Սիրիայում իրականացրած գործողության արդյունքում իր երկրի անվտանգային ուժերը վերացրել են ԻԼԻՊ-ի առաջնորդ Աբու ալ-Քուրաշին։
«Այդ անձը չեզոքացվել է երեկ Սիրիայում թուրքական ազգային հետախուզական կազմակերպության գործողության շրջանակում։ Երբ Ամերիկան չեզոքացնում է ԻԼԻՊ-ի առաջնորդներին, նրանք այդ մասին աշխարհով մեկ հայտարարում են։ Հիմա մենք վնասազերծել ենք ոչ թե մեկ, ոչ երկու, ոչ երեք, այլ մի քանի առաջնորդի կապված ԻԼԻՊ-ի հետ»,- ասել էր Էրդողանը։
«Մենք չենք կարող դա հաստատել: Ավելին՝ մենք տեղեկություն չունենք, որը կհաստատի այս պնդումը»,- էլեկտրոնային փոստի միջոցով Al-Monitor-ին հայտնել է ամերիկացի պաշտոնյան:
Հաստատում չի եղել նաև զինյալների կողմից։
Թուրքական պետական «Անադոլու» լրատվական գործակալությունը հաղորդել էր, թե Քուրաշին սպանվել է ապրիլի 29-ին Աֆրինի գյուղերի մոտ գտնվող թաքստոցում՝ չորս ժամ տևած գրոհից հետո։
ԱՄՆ-ի աջակցությունը վայելող, քրդերի գլխավորած «Սիրիայի դեմոկրատական ուժերի» խոսնակ Ֆարհադ Շամին հայտարարել է, որ այս խմբավորման առաջնորդը գտնվել է սիրիական զինված ընդդիմադիր «Ահրար ալ-Շարքիա» խմբավորման պաշտպանության ներքո:
Էմմա Չոբանյան
