17.02.2026 | 15:43
«0 հարկը մեզ համար այդքան ընդունելի չի»․ Դավիթ Անանյանը ներկայացրել է «Միասնության թևեր»-ի տնտեսական զարգացման մոդելը
ԱԺ-ն երկրորդ ընթեցրմամբ քննարկում է Աշխատանքային օրենսգրքի լայնամասշտաբ փոփոխությունների նախագիծը․ ՏԵՍԱՆՅՈՒԹ
Քաղաքականություն
02.05.2023 | 13:30
ԱԺ-ն երկրորդ ընթեցրմամբ քննարկում է Աշխատանքային օրենսգրքի լայնամասշտաբ փոփոխությունների նախագիծը։ Աշխատանքային օրենսգրքի 266 հոդվածից առաջարկվում է խմբագրել 122-ը: Այս մասին նշեց ՀՀ աշխատանքի և սոցիալական հարցերի նախարարի տեղակալ Ռուբեն Սարգսյանը։
Ներկայացնելով նախագիծը՝ փոխնախարարը հայտնեց, որ մասնավորապես առաջարկվում է փոփոխություն կատարել հոդված 3․3-ում, որը վերաբերում է աշխատավայրում բռնության կամ սեռական ոտնձգության արգելքին, հոդվածը վերախմբագրվել է , համապատասխանեցվել է Կոնվենցիայի 180-րդ դրույթին։ Փոփոխություն է կատարվել նաև հոդված 218-ում․ բռնության կամ սեռական բռնության արգելքի դրույթը խախտած մարդկանց նկատմամբ, ներքին կարգապահական կանոնների համաձայն, կկիրառվի կարգապահական տույժ։ Մեկ այլ փոփոխությամբ նախատեսվում է՝ ոտնձգության զոհերի համար նախատեսված է արձակուրդի տրամադրման կարգավորում։
Փոփոխություն է առաջարկվում նաև 122 հոդվածում, որը վերաբերում է վստահությունը կորցնելուն։ Առաջարկվում է պատասխանատվության ենթարկել, եթե աշխատողի կողմից կատարվել է այնպիսի արարք, որի հետևանքով գործատուն կրել է կամ կարող էր կրել նյութական վնաս։
Նոր նախագծով առաջարկվում է փոփոխություն կատարել նաև 182․1 հոդվածում՝ կատարելով ավելացում, ըստ որի՝ հղի կանանաց և մինչև 18 տարեկան աշխատողներին 4 ժամը գերազանցող աշխատանքային օրվա դեպքում հանգստի և սնվելու համար ընդմիջում տրամադրել իրենց նախընտրած ժամերին։
Հոդված 201․1 նախատեսվող փոփոխության արդյունքում սահմանվել է աշակերտ հասկացությունը և սահմանվել է նրանց վճարման չափը։
Հաջորդ փոփոխության համաձայն՝ եթե գործատուի հաշվին աշխատողը վերապատրաստվում է, և եթե աշխատողը վերապատրաստվելուց հետո հրաժարվում է այդ գործատուի մոտ աշխատել, նա պարտավոր է վճարել գործատուին, նախատեսվել է առավելագույն շեմ՝ այսինքն՝ կվճարի ոչ ավել, քան իր մասնագիտական ուսուցման համար կազմած փաստացի ծախսերը։
Մանրամասները՝ տեսանյութում։
