16.01.2026 | 10:47
ԱԺ պաշտպանության և անվտանգության հարցերի հանձնաժողովի նիստը. ՈՒՂԻՂ
Սուդանում հակամարտող կողմերը համաձայնել են բանակցությունների. ՄԱԿ
Քաղաքականություն
02.05.2023 | 15:26
Սուդանում հակամարտող կողմերը պայմանավորվել են իրենց ներկայացուցիչներին ուղարկել բանակցությունների, հնարավոր է՝ Սաուդյան Արաբիա։ Այս մասին DW-ի փոխանցմամբ հայտարարել է Սուդանի հարցով ՄԱԿ-ի գլխավոր քարտուղարի հատուկ բանագնաց Ֆոլկեր Պերտեսը։
Եթե բանակցություններն իրականանան, ապա դրանք ի սկզբանե ուղղված կլինեն «կայուն և հուսալի» հրադադարի հաստատմանը, AP-ին ասել է Պերտեսը: Միաժամանակ նա զգուշացրել է կայուն երկխոսության հաստատման հնարավոր դժվարությունների մասին։
Անցած շաբաթվա ընթացքում որոշ շրջաններում մարտերի ինտենսիվությունը թուլացել է, մյուսներում շարունակվում են կատաղի բախումները, ինչը հանգեցնում տեղահանվածների հոսքի ավելացմանը, նշում է գործակալությունը։ Վերջին տվյալներով առնվազն 436 խաղաղ բնակիչ է զոհվել և ավելի քան 1200-ը վիրավորվել հակամարտությունների սրումից հետո:
Հիշեցնենք, որ Սուդանում քաղաքացիական բախումները սկսվել են ապրիլի 15-ին։ Մարտերի պատճառով Սուդանի մայրաքաղաք Խարթումի բնակիչները ստիպված են մնալ իրենց տներում, սննդամթերքի ու ջրի պակաս կա։ Եթե հրադադարը պահպանվի, դա խաղաղ բնակիչներին հնարավորություն կտա լքել քաղաքը։ Բացի այդ, օտարերկրյա պետությունները հուսով են, որ կկարողանան Սուդանից տարհանել իրենց քաղաքացիներին։
