26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Բաքուն շարունակում է «իրանական լրտեսների որսը»․ ևս 16 կրոնական գործիչ է ձերբակալվել
Քաղաքականություն
02.05.2023 | 17:36
Ադրբեջանում շարունակվում են կրոնական գործիչների ձերբակալությունները, որոնք ներկայացվում են որպես «իրանական լրտեսական ցանցի» բացահայտումներ։ Ադրբեջանական լրատվամիջոցները հայտնում են, որ ոստիկանները ձերբակալել են «թմրամիջոցների վաճառքից ֆինանսավորվող անձանց, որոնք ներգրավված են կրոնական արմատականության քարոզչության և այլ անօրինական գործողությունների մեջ»։ Նշվում է, որ հատուկ գործողության արդյունքում ձերբակալվել է 16 մարդ։
Հաղորդվում է, որ «տվյալ անձինք, հիմնականում կատարել են Իրանից ղեկավարվող կրոնական և քաղաքական կենտրոնների հրամանները, որոնց նպատակն է օգտագործել թմրամոլներին և սնահավատներին իրենց կեղտոտ նպատակների համար»։
Հավելենք, որ վերջին շրջանում Ադրբեջանում Իրանի հետ հարաբերությունների լարվածության պատճառով շարունակվում են կրոնական ակտվիստների ու գործիչների զանգվածային ձերբակալությունները։ Որոշ տվյալներով՝ ձերբակալվածների թիվը շուրջ 400 է։ Իշխանամետ ու քարոզչական լրատվամիջոցներում այս ձերբակալությունները ներկայացվում են որպես «Իրանի լրտեսական ցանցի» բացահայտում։
Ադրբեջանի որոշ կազմակերպություններ համատեղ հայտարարությամբ էին հանդես եկել՝ դատապարտելով երկրում կրոնական ակտվիստների ու գործիչների ձերբակալություններն ու պահանջել ազատ արձակել նրանց։
Էմմա Չոբանյան
