14.12.2025 | 15:17
Ուկրաինան հարվածել է Ուրյուպինսկի նավթաբազայի և Յարոսլավլի նավթավերամշակման գործարանին
Իրանի տարածքում «Հարավային Ադրբեջանի» հանրապետություն ստեղծելու կոչ՝ իսրայելցի պատգամավորներից
Քաղաքականություն
02.05.2023 | 13:35
Իսրայելի խորհրդարանի 32 պատգամավոր դիմում է ներկայացրել Իսրայելի ԱԳՆ՝ կոչ անելով «հնարավորինս լայն միջազգային աջակցություն ապահովել Հարավային Ադրբեջանի ժողովուրդների ազգային նկրտումների համար», գրում է The Sofia Globe-ը։
Արևմտյան հետազոտողների գնահատականների համաձայն Իրանում էթնիկ ադրբեջանցիների թիվը 12-ից 20 միլիոնի է հասնում։ Նրանց մեծամասնությունն ապրում է Իրանի հյուսիս-արևմտյան 3 նահանգներում, իսկ մշակութային ու պատմական կենտրոնը Թավրիզն է։ 20-րդ դարի սկզբից այս քաղաքը 3 անգամ դարձել է Թեհրանի կենտրոնական իշխանությունների դեմ բողոքի ցույցերի էպիկենտրոն։ Ինչպես գրում է լրատվամիջոցը, 1979-ին հենց դրանք դարձան շահի ռեժիմի տապալման նախերգանքը: Փետրվարից նկատվում է Իրանից անկախանալու համար ընդհատակյա շարժման ակտիվացում։
Նախարարին ուղղված իրենց ուղերձում 32 պատգամավորները նշում են, որ «Հարավային Ադրբեջանի անկախության շարժմանը միջազգային լայն աջակցության ապահովումը կործանարար հարված կլինի այաթոլլահի ռեժիմին, և անկասկած, եթե ստեղծվի ինքնիշխան պետություն Հարավային Ադրբեջանը Իսրայելը Ադրբեջանի Հանրապետության հետ միասին մեկ այլ դաշնակից կունենա տարածաշրջանում։ Նրանց աջակցությունը արտաքին քաղաքական ակտիվության համարժեք պատասխան կլինի մեր դեմ այաթոլլահի ռեժիմի դիվերսիոն գործունեությանը»,- ասված է հայտարարության մեջ։
Տաթև Ֆռանգյան
