08.10.2026 | 15:55
Եթե միտում լիներ դահլիճ մտնելու, կմտնեին. Տիգրան Աբրահամյանը` օգնականների գործողությունների մասին․ ՏԵՍԱՆՅՈՒԹ
Ուկրաինան գերմանական սպառազինությամբ չպետք է հարված հասցնի ՌԴ տարածքին․ Շոլց
Քաղաքականություն
02.05.2023 | 12:38
Ուկրաինան չպետք է օգտագործի Գերմանիայի մատակարարած զենքը՝ ՌԴ տարածքին հարվածելու համար։ Այս մասին հայտարարել է Գերմանիայի կանցլեր Օլաֆ Շոլցը՝ ելույթ ունենալով Բենդորֆում հանրության հետ երկխոսության շրջանակում, փոխանցում է VOA-ն։
Գերմանիայի կառավարության ղեկավարն ընդգծել է, որ Կիևին նույն պահանջներն են ներկայացրել նաև արևմտյան մյուս երկրները, որոնք Ուկրաինային զենք են տրամադրում։ Շոլցի խոսքով՝ Ուկրաինան օգնության կարիք ունի, սակայն դա չպետք է հանգեցնի էսկալացիայի ու հակամարտության մեջ ՆԱՏՕ-ի ներգրավման։
Միացյալ Նահանգները ևս հայտարարել էր, որ ամերիկյան զենքը չպետք է օգտագործվի միջազգայնորեն ճանաչված ՌԴ տարածքին հարվածելու համար:
Գերմանիայի կանցլերը նշել է, որ Բեռլինը Կիևին զենք մատակարարելու մասին որոշում է կայացնում միայն դաշնակիցների հետ համաձայնությամբ։
